| e-texts navigator |
| Wylie |
200b1 སྩལ་ཏོ།། བདག་ཉིད་པདྨ་དབང་ཆེན་གྱིས།། སྐུ་གསུང་ཐུགས་ཀྱི་རྣལ་འབྱོར་པས།། རྟ་ཡི་བརྟུལ་ཞུགས་ཆེན་པོ་ཡིས།། ཁམས་གསུམ་འཁོར་བ་སྐུམ་ལིངས་འདེབས།། རྟ་སྐད་ཟེངས་གསུམ་བསྒོམ་པས
200b2 ནི།། ཁམས་གསུམ་ཡོངས་བསྒྲལ་ས་གསུམ་བསྒྲལ།། བདེ་གཤེགས་མི་འགྱུར་གདན་གསུམ་སྟེ།། བསྐྱེད་རྫོགས་རྣམ་གསུམ་ཀློང་གསུམ་རྡོལ།། ཤུགས་ཆེན་རྟ་ཡི་ར་མདའ་ཡིས།། འཁོར་བའི་སྒྱུམ་ལིངས་དབྱིངས
200b3 སུ་གདབ།། རྟ་སྐད་ཐེངས་གཅིག་རིག་པའི་ལམ།། ཀུན་བཟང་མཁའ་དབྱིངས་ཀློང་རྡོལ་ནས།། མཉམ་པ་ཉིད་ཀྱི་རང་སར་སྦྱར།། གཉིས་ནི་ཐབས་དང་ཤེས་རབ་སྟེ།། གསུམ་ནི་སྐུ་གསུང་ཐུགས་སུ་སྦྱར།། རྟ་སྐད
200b4 བཞི་ནི་ཕྲིན་ལས་བཞི།། ལྔ་ནི་ཡེ་ཤེས་རྣམ་པ་ལྔ།། དྲུག་ནི་འགྲོ་དྲུག་གནས་སུ་སྦྱོང་།། བདུན་ནི་ཕྲིན་ལས་དྲག་ཤུལ་བདུན།། བརྒྱད་ནི་སྡེ་བརྒྱད་དབང་དུ་སྡུད།། དགུ་ནི་ཐེག་པའི་ས་དགུ་བརྟོལ།། བཅུས་ནི་ས
200b5 བཅུ་ཟིལ་གྱིས་གནོན།། དབང་ཕྱུག་རོལ་པའི་ཕྲིན་ལས་དེ།། བྱེད་སྤྱོད་རྟ་ཡི་སྐད་ཀྱིས་སྦྱོང་།། གང་ལྟར་སྤྱད་ཀྱང་ཆོས་ཀྱི་དབྱིངས།། བྱ་ཡི་བརྟུལ་ཞུགས་ཆེན་པོ་ཡིས།། བྱ་བའི་ལས་རྣམས་བརྩོན་པར
200b6 ཛད།། ཁམས་གསུམ་འཁོར་བ་ཐུགས་རྗེའི་གཟན།། དབང་གི། ཕྲིན་ལས་ཁྱུར་མིང་མཛད།། དྲེགས་པའི་ངན་སེམས་ངན་པ་རྣམས།། ཕོ་ཉ་བྱ་ཡི་བཙན་ཐབས་ཀྱིས།། གཟན་མར་བྱས་ཏེ་རོལ་པར་བྱ།། ཆོས་ཉིད
iiif viewer powered by OpenSeadragon
