| e-texts navigator |
| Wylie |
200a1 ཉིད་ཀྱི་གདན་སར་སྦྱོར།། མ་ཧཱ་བསྐྱེད་པའི་རིམ་པ་ཡང་།། སྐུ་གསུང་ཐུགས་ཀྱི་འཕྲུལ་གསུམ་ལས།། རིམ་པས་བསྐྱེད་ནས་རྫོགས་པར་འདོད།། ལྷ་ཡི་དཀྱིལ་འཁོར་ཐབས་ཀྱི་མཆོག། མ་སྐྱེས་སྤྲོས
200a2 བྲལ་ཤེས་རབ་ལས།། གཉིས་སུ་མེད་པར་རང་སར་སྦྱོར།། ཨ་ནུ་རྫོགས་པའི་རིམ་པ་ཡང་།། ལྷ་ཡི་དཀྱིལ་འཁོར་སྐད་ཅིག་གིས།། ཆུ་ལས་ཆུ་བུར་རྡོལ་བའི་ཚུལ།། གཙོ་འཁོར་དྲན་རིག་རྫོགས་པར་འདོད།། མ
200a3 སྐྱེས་སྤྲོས་བྲལ་ཆོས་ཀྱི་དབྱིངས།། རིག་པའི་ཡེ་ཤེས་གཉིས་མེད་པས།། མཉམ་པ་ཉིད་ཀྱི་རང་སར་སྦྱོར།། ཨ་ཏི་ཡེ་ནས་ཡིན་པ་ལ།། དྲི་མེད་སྙིང་པོ་བྱང་ཆུབ་སེམས།། གདོད་ནས་མ་སྐྱེས་རང་བྱུང་བས།། རང་གི
200a4 ངོ་བོ་བརྗོད་དུ་མེད།། བརྗོད་མེད་ཇི་ལྟར་བཏགས་པར་སྣང་།། ཅར་བཏགས་དེར་སྣང་དྲི་མེད་པས།། སྙིང་པོ་བྱང་ཆུབ་ཡེ་ནས་ཡིན།། གཅིག་དང་དུ་མར་རོ་གཅིག་པས།། དེ་ནས་གཉིས་མེད་གདན་སར
200a5 སྦྱོར།། རྣལ་འབྱོར་དབང་ཕྱུག་ཆེན་པོ་ཡང་།། རྟ་སྐད་ཐེངས་གསུམ་ཐོས་པ་ཡིས།། བལྟ་བས་ས་གསུམ་མཉམ་སྦྱར་ནས།། སྤྱོད་པས་དྲེགས་པ་ཚར་གཅོད་ན།། རྟ་སྐད་ཐེངས་གསུམ་ཐབས་ཀྱི་མཆོག། ཅེས་བཀའ
200a6 སྩལ་ཏོ།། དྲེགས་པ་ཚར་གཅོད་པའི་རྒྱུད་ལས། རྟ་སྐད་ཟེངས་གསུམ་གྱི་ལེའུ་སྟེ་དགུ་པའོ།། །། དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས།། བརྟུལ་ཞུགས་ཆེན་པོ་བཞིའི་ལེའུ་འདི་བཀའ
iiif viewer powered by OpenSeadragon
