| e-texts navigator |
| Wylie |
199b1 ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས།། རྟ་སྐད་ཐེངས་གསུམ་གྱི་ལེའུ་འདི་བཀའ་སྩལ་ཏོ།། བདེ་ཆེན་དོན་དང་ལྡན་པ་ཡི།། རྣལ་འབྱོར་དབང་ཕྱུག་ཆེན་པོ
199b2 ཡིས།། དབང་ཆེན་སྐུ་དང་གཉིས་མེད་རྟགས།། དངོས་སུ་རྟོགས་པར་སྣང་མཛད་དེ།། སྤྱོད་པ་ཤོར་བའི་གནས་དག་ཏུ།། རྟ་སྐད་ཐེངས་གཅིག་ཐོས་པ་ཡིས།། ལས་ཀྱིས་བསྐལ་བའི་དྲེགས་པ་ཅན།། འབྲི་རྒོད་དྲེགས
199b3 པ་བཞིན་དུ་ནི།། རང་དབང་མེད་པར་ཡིད་ཀྱིས་སྔགས།། རྟ་སྐད་ཐེངས་གཉིས་ཐོས་པ་ཡིས།། ལས་ཀྱིས་བསྐལ་བའི་མི་མ་ཡིན།། ཤ་རུལ་དོང་དུ་བཅུག་པ་ལ།། ཤ་སྦྲང་མཁའ་ལ་འདུ་བ་བཞིན།། རང་དབང་མེད
199b4 པར་དབང་དུ་འདུས། རྟ་སྐད་ཐེངས་གསུམ་ཐོས་པ་ཡིས།། ལས་ཀྱིས་བསྐལ་བའི་མི་མ་ཡིན།། བཀའ་ཁྲིམས་དམ་པའི་བཀའ་འོག་བཞིན།། རང་དབང་མེད་པར་འདུར་གྱིས་བཏང་།། དེ་ནི་སྤྱོད་པའི་བརྟུལ་ཞུགས
199b5 ཏེ།། དགོངས་པའི་གདེང་ཅན་དེ་གསུམ་གྱིས།། དྲེགས་པ་ཕོ་མོ་ལས་གཟུང་པ།། ལྷའི་གདེང་གསུམ་རྟ་སྐད་ལམ།། རྟ་སྐད་ཟེངས་གསུམ་དགོངས་པའི་ལམ།། བསྐྱེད་རྫོགས་རྣམ་གསུམ་ས་ལམ་སྦྱོར།། རྟ
199b6 སྐད་ཟེངས་གཅིག་བསྐྱེད་པའི་ལམ།། ཐབས་དང་ཤེས་རབ་གདན་སར་སྦྱོར།། གཉིས་ཀྱིས་ཅིག་ཆར་རྫོགས་པའི་ལམ།། དབྱིངས་དང་ཡེ་ཤེས་གདན་སར་སྦྱོར།། གསུམ་གྱིས་ཡེ་ཉིད་ཡིན་པའི་ལམ།། མཉམ་པ
iiif viewer powered by OpenSeadragon
