| e-texts navigator |
| Wylie |
199a1 པས་སྦྱོར་བའི་མཆོག། ལྕེ་ཡི་འདོད་པས་རོ་ལ་སྦྱོར།། གཉིས་སུ་མེད་པས་སྦྱོར་བའི་མཆོག། ལུས་ཀྱི་འདོད་པས་ཆགས་པར་སྦྱོར།། གཉིས་སུ་མེད་པས་སྦྱོར་བའི་མཆོག། འདོད་ལ་སྤྱོད་པ་རྣམ་པ
199a2 ལྔ།། བྱང་ཆུབ་སེམས་ཀྱི་ངོ་བོ་གནས།། དྲི་མེད་པདྨའི་སྙིང་པོར་གནས།། གཉིས་མེད་དོན་ལ་སྦྱོར་བའོ།། སྐྱེ་ཤི་མེད་པར་བསྒྲལ་བའི་ཕྱིར།། ག་ཎ་རོལ་པ་བསྒྲལ་བའི་ལུང་།། དོན་གྱི་སྒྲོལ་བ་ཆེན་པོ་དང་།། རྟགས
199a3 ཀྱི་སྒྲོལ་བ་ཆེན་པོ་གཉིས།། དོན་གྱི་སྒྲོལ་བ་ཆེན་པོ་ནི།། ཁམས་གསུམ་སྲིད་གསུམ་འཁོར་བ་ཡང་།། ཆོས་ཉིད་མཉམ་པའི་ངང་དུ་བསྒྲལ།། སྣང་ཞིང་སྲིད་པའི་ཆོས་རྣམས་ཀུན།། རྣམ་དག་བྱང་ཆུབ་སེམས་སུ
199a4 བསྒྲལ།། སེམས་ཉིད་མ་སྐྱེས་དག་པར་བསྒྲལ།། དོན་གྱི་སྒྲོལ་བ་ཆེན་པོའོ།། རྟགས་ཀྱི་སྒྲོལ་བ་ཆེན་པོ་ནི།། བདག་ཏུ་འཛིན་པས་གཟུང་བ་དང་།། ཕྱིན་ཅི་ལོག་ལ་འཆེལ་བ་རྣམས།། ངོ་འཐོན་ཁྱད་པར་ཐབས་ཀྱིས
199a5 སྒྲོལ།། དེ་ཡི་ལུས་ངག་ཡིད་གསུམ་ཡང་།། དབང་ཆེན་སྐུ་གསུམ་ཐུགས་སུ་བསྒྲལ།། དེ་ཡི་ཕུང་པོ་སྐྱེ་མཆེད་ལ།། རྟ་མཆོག་རོལ་པའི་བྲོས་སྦྱངས་ལ།། ལྔ་ཕུང་རྩད་ནས་གཅད་པར་བྱ།། ལུས་ངག་ཡིད་གསུམ་སྐུ
199a6 གསུང་ཐུགས།། གཉིས་སུ་མེད་པར་མཉམ་སྦྱར་ནས།། སེམས་ཉིད་དག་པར་སྣང་བས་ན།། ཁམས་གསུམ་ཡོངས་བསྒྲལ་བདེ་བའི་ཞིང་།། ཞེས་གསུངས་སོ།། དྲེགས་པ་ཚར་གཅོད་པའི་རྒྱུད་ལས། ཏ་ན་དང་ག་ཎའི
iiif viewer powered by OpenSeadragon
