| e-texts navigator |
| Wylie |
198b1 པོའོ།། རྟགས་ཀྱི་སྦྱོར་བ་རྣམ་པ་གཉིས།། དགའ་བས་དོན་ལ་སྦྱོར་བ་དང་།། དགོས་པས་དོན་ལ་སྦྱོར་བའོ།། དགའ་བས་དོན་ལ་སྦྱོར་བ་ནི།། ལྷ་མོ་ཀླུ་མོ་གནོད་སྦྱིན་མོ།། འགྲོ་བ་བཟང་མོ་རྣམས་ལ་སྦྱར།། དང་པོ
198b2 ལོ་བརྒྱད་བཅུ་གཉིས་ནས།། ལྔ་བཅུ་ཡན་ལག་མཚན་ཉིད་བརྟག། རིགས་ཀྱི་ཁྱད་པར་སོ་སོར་དབྱེ།། གཟི་ལྡན་ཡུམ་དུ་རྣམ་པར་བརྟག། གཉིས་སུ་མེད་ཕྱིར་དགའ་བ་སྤྱད།། ཆགས་པ་བསྐྱེད་ཅིང་བརྡའ་སྦྱར
198b3 ཏེ།། རྡོ་རྗེ་པདྨ་མཉམ་སྦྱོར་ནས།། རྩ་གཉིས་རང་བྱུང་གྱུར་པ་དང་།། ཐིག་ལེ་དཀྱིལ་འཁོར་བཞིར་ཕབ་ལ།། དང་པོ་གསང་བའི་གནས་སུ་བསྐྱིལ།། རྡོ་རྗེའི་སྦུ་གུར་མ་ཉམས་སེམས།། ཁད་ཀྱིས་རྣམ་པར་སྦྱང་བར
198b4 བྱ།། རྩ་ཉིད་བྲལ་ནས་ཉམས་པ་སྟེ།། ཐིག་ལེ་མ་ཤོར་ལུས་ཁྱབ་གནས།། བྱང་ཆུབ་སེམས་ཀྱིས་གང་བར་གྱུར།། སྐྱེ་རྒ་ན་འཆིའི་སྡུག་བསྔལ་བྲལ།། བྱང་ཆུབ་སེམས་ཀྱི་འཕྲོ་འདུ་ཡི།། བདེ་གཤེགས་དཀྱིལ་འཁོར
198b5 རྒྱུན་མི་འཆད།། བྱང་ཆུབ་སེམས་སུ་གཉིས་མེད་བདེ།། བདེ་དང་སྡུག་བསྔལ་ངོ་བོ་ཉིད།། བདེ་ཆེན་གསང་བའི་མཆོད་པ་སྟེ།། གཉིས་སུ་མེད་པར་སྐྱེས་པའི་མཆོག། དགོས་པའི་དོན་ལ་སྦྱོར་བ་ནི།། འདོད་སྤྱོད་ཡོན
198b6 ཏན་རྣམ་པ་ལྔ།། མིག་གི་འདོད་པས་གཟུགས་ལ་སྦྱོར།། གཉིས་སུ་མེད་པས་སྦྱོར་བའི་མཆོག། རྣ་བའི་འདོད་པའི་སྒྲ་ལ་སྦྱོར།། གཉིས་སུ་མེད་པས་སྦྱོར་བའི་མཆོག། སྣ་ཡི་འདོད་པས་དྲི་ལ་སྦྱོར།། གཉིས་སུ་མེད
iiif viewer powered by OpenSeadragon
