| e-texts navigator |
| Wylie |
197a1 གྱི་བ་ཐག་གཟེངས་པ་ཡིས།། དཔྱང་ཟག་ཆད་པ་ཐུགས་རྗེས་དྲངས།། མགར་གྱི་ཆ་ཆ་བརྡབ་པ་ཡིས།། ཁམས་དང་སྲིད་པ་གསུམ་པོ་སྦྱང་།། གནམ་ལྕགས་ཐོག་ཆེན་བརྒྱབ་པ་ཡིས།། དྲེགས་པས་མྱོས
197a2 པ་དབང་དུ་སྡུད།། སྒྲ་དང་སིལ་བུ་ཤུབ་བུར་བཟླ།། ཁྱད་པར་དངོས་གྲུབ་རྫས་མཆོག་དང་།། ཐུན་མོང་མཆོད་པའི་རྫས་རྣམས་དང་།། འཁོར་གྱི་མཐུན་རྫས་རིམ་པས་དབུལ།། གཞན་ཡང་འདོད་པའི་ལོངས་སྤྱོད
197a3 ཚོགས།། རྣལ་འབྱོར་དབང་ཕྱུག་ཚོགས་ཆེན་བསག། ཅེས་བཀའ་སྩལ་ཏོ།། དྲེགས་པ་ཚར་གཅོད་པའི་རྒྱུད་ལས། སྒྲུབ་པ་ཟབ་མོའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་དཔལ་པདྨ་དབང་ཆེན
197a4 གྱིས།། ཕྲིན་ལས་ཟབ་མོའི་དོན་འདི་བཀའ་སྩལ་ཏོ།། གྲུབ་པའི་ཉི་མ་གང་ཡིན་ལ།། ཁྱད་པར་གནས་མཆོག་དམ་པ་དེར།། རང་བཞིན་དཀྱིལ་འཁོར་དམིགས་པའི་རྟེན།། རྡུལ་ཚོན་དཀྱིལ་འཁོར་བཞེངས་ནས
197a5 ཀྱང་།། ཉམས་སུ་ཏིང་འཛིན་དཀྱིལ་འཁོར་བླང་།། བདག་ཉིད་ལུས་ངག་ཡིད་གསུམ་ཡང་།། སྐུ་གསུང་ཐུགས་སུ་སྦྱང་བར་བྱ།། རང་བཞིན་དཀྱིལ་འཁོར་སྤྱན་དྲངས་ལ།། ཏིང་འཛིན་དཀྱིལ་འཁོར་དག
197a6 བསྟིམ།། བསྟིམས་ནས་བརྟན་པར་བཞུགས་སུ་གསོལ།། དགྱེས་པས་ཕྱག་འཚལ་ཕྱི་ནང་གི།། མཆོད་པས་ཀྱང་ནི་མཉེས་པར་བྱ།། སྔགས་བཟླས་བསྟོད་བཤགས་བསྐང་བ་བྱ།། བཀྲ་ཤིས་གསོལ་དང་གཟི་བྱིན
iiif viewer powered by OpenSeadragon
