| e-texts navigator |
| Wylie |
196a1 མ་ཤིས་ལ་འཇུག། བདེ་གཤེགས་པོ་བྲང་དཀྱིལ་འཁོར་ཡང་།། མཁས་པས་དཀྱིལ་འཁོར་འདིར་ཤེས་བྱ།། དཀྱིལ་འཁོར་ངོ་བོ་དབང་ཆེན་ཐུགས།། ངེས་ཚིག་ཐུགས་ནི་ཡང་དག་པའི།། ཡེ་ཤེས་རྡོ
196a2 རྗེའི་སྙིང་པོ་ལ།། རིག་པའི་ཆོ་འཕྲུལ་བསྐོར་བས་ན།། ཐུགས་ཀྱི་དཀྱིལ་འཁོར་མཆོག་ཏུ་བཤད།། དཀྱིལ་ནི་ཆོས་ཀྱི་དབྱིངས་ཉིད་ལ།། འཁོར་ནི་རིག་པའི་ཡེ་ཤེས་བསྐོར།། དབང་ཆེན་ཐུགས་ཀྱི་དཀྱིལ་འཁོར
196a3 ལ།། དེ་ལ་དབྱེ་བ་རྣམ་པ་གསུམ།། རང་བཞིན་ཏིང་འཛིན་རྣམ་པ་གཉིས།། རྡུལ་ཚོན་དག་གི་དཀྱིལ་འཁོར་རོ།། རང་བཞིན་དཀྱིལ་འཁོར་རྣམ་པ་གཉིས།། དོན་དམ་རང་བཞིན་དཀྱིལ་འཁོར་དང་།། ཀུན་རྫོབ་རང
196a4 བཞིན་དཀྱིལ་འཁོར་རོ།། ཀུན་རྫོབ་རང་བཞིན་དཀྱིལ་འཁོར་ནི།། རྣམ་པ་གཉིས་སུ་ཤེས་བྱ་སྟེ།། མཁའ་དང་གནས་ཀྱི་འོག་མིན་ནོ།། མཁའ་ཡི་འོག་མིན་ཡུམ་གྱི་མཁའ།། ཐམས་ཅད་འབྱུང་ཞིང་སྐྱེད་པར
196a5 བྱེད།། གནས་ཀྱི་འོག་མིན་དབང་ཆེན་ནི།། ལོངས་སྤྱོད་རྫོགས་པའི་ཞིང་ཁམས་སུ།། ཏིང་འཛིན་དཀྱིལ་འཁོར་རྣམ་པ་གསུམ།། བསྒོམ་དང་བསྐྱེད་པ་ལྷག་པའོ།། བསྒོམ་པའི་ཏིང་འཛིན་དཀྱིལ་འཁོར་ནི།། དབང
196a6 ཆེན་ཡབ་ཡུམ་སྐུར་བསྒོམ་པའོ།། ལྷག་པ་ལྷ་ཡི་དཀྱིལ་འཁོར་ནི།། བསྒོམ་དང་བསྐྱེད་པའི་དཀྱིལ་འཁོར་དེ།། ཆོས་ཀྱི་དབྱིངས་ན་གསལ་བ་དང་།། ཡུམ་གྱི་མཁའ་ལ་གསལ་བ་སྟེ། ཀྲི་ཡོག་རྣམ་པ་གསུམ་པས
iiif viewer powered by OpenSeadragon
