| e-texts navigator |
| Wylie |
195b1 དབང་།། ཆེ་བའི་ཡོན་ཏན་ཕྱོགས་གཅིག་སྟེ།། དེར་འཛིན་རྟོགས་པ་དེ་ཡི་གནད།། དྲི་མ་མེད་པར་གདོད་ནས་དག། ཕྱོགས་རིས་མེད་པར་དེ་ཡི་སྒོ།། ཨ་ནུ་ཡོ་ག་དོན་དམ་དུ།། བདེ་བ་སྟོང་པ་རིག་པའི་རྩལ།། ཀུན
195b2 རྫོབ་ལྷ་ཡི་དཀྱིལ་འཁོར་སྣང་།། ཐེག་པས་བསྐལ་ནས་དེར་གནས་པ།། དེར་རྟོགས་དེར་འཛིན་གནད་ཡིན་ཏེ།། དྲི་མེད་པད་མ་ང་ཡི་དབང་། ཨ་ཏི་མ་བྱུང་། ཆེ་བའི་ཡོན་ཏན་ཐེག་པ་དགུ།། དབང་ཆེན་རྨད་བྱུང་སྤྱོད་པ
195b3 ཏེཏེ།། ཐུན་མོང་ཐབས་ཀྱི་ཁྱད་པར་ཡིན།། གདུལ་བྱ་རྣམས་ལ་སྣང་བས་ཏེ།། རང་ལས་བྱུང་བས་དབང་ཕྱུག་ཆེ།། ཞེས་བཀའ་སྩལ་ཏོ།། དྲེགས་པ་ཚར་གཅོད་པའི་རྒྱུད་ལས།། ཐུན་མོང་ལྟ་བའི་ལེའུ་སྟེ་ལྔ
195b4 པའོ།། །། དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས།། བསྒྲུབ་པ་ཟབ་མོའི་དོན་འདི་བཀའ་སྩལ་ཏོ།། མཆོག་དང་ཐུན་མོང་དངོས་གྲུབ་ནི།། ཐུན་མོང་ཁྱད་པར་ཐབས་ཀྱིས་འགྲུབ།། ཐབས་ཀྱི
195b5 ཁྱད་པར་འདི་ཆེ་བས།། ཐབས་ནི་ཁྱད་པར་མཆོག་ཏུ་བསྔགས།། དྲེགས་པ་འདུལ་བའི་ས་ཕྱོགས་ནི།། རི་བྲག་ཟླ་གམ་གྲུ་གསུམ་གནས།། གནམ་ས་པདྨ་འཁོར་ལོའི་རྩིབས།། འབར་བ་མེ་རིས་མཚན་པ
195b6 རུ།། བདག་གཞན་དབང་རྫོགས་དམ་ཚིག་ལྡན།། གསང་ཐུབ་ཡིད་བརྟན་གཡེང་བ་ཆུང་།། ཚིག་ཕྱིར་མི་འབྲང་དོན་རྟོན་པས།། དམ་བཅས་དངོས་གྲུབ་མ་ཐོབ་པར།། ཁྱད་པར་ཐུན་མོང་རྫས་ཁྱེར་ལ།། གྲུབ་པའི་ཉི
iiif viewer powered by OpenSeadragon
