| e-texts navigator |
| Wylie |
195a1 མཐུན།། ཐེག་པས་བསྐལ་ནས་དེར་འདོད་པ།། དྲི་མེད་པདྨ་ང་ཡི་དབང་།། ང་ཡི་རོལ་པ་དེར་ཡང་གནས།། མདོ་སྡེ་ཀུན་རྫོབ་སྒྱུ་མ་ཙམ།། ཡུལ་རྣམས་ལོགས་ནས་སྣང་བར་ལྟ།། དོན་དམ་སྤྲོས་དང
195a2 བྲལ་བར་ལྟ།། ཐེག་པས་བསྐལ་ནས་དེར་གནས་པ།། དྲི་མེད་པདྨ་ང་ཡི་དབང་།། ཆེ་བའི་ཡོན་ཏན་དེ་ལྟར་གནས།། ཀྲི་ཡ་དོན་དམ་ཆོས་ཉིད་ལྟ།། ཀུན་རྫོབ་རང་རིག་ཡོན་ཏན་བལྟ།། རིགས་གསུམ་དག་པའི
195a3 དཀྱིལ་འཁོར་དུ།། ཐེག་པས་བསྐལ་ནས་དེར་གནས་པ།། དྲི་མེད་པདྨ་ང་ཡི་དབང་།། ཆེ་བའི་ཡོན་ཏན་དེར་ཡང་རྫོགས།། གཉིས་ཀའི་རྒྱུད་འཛིན་ཐེག་པ་ནི།། ལྟ་བ་ཡོ་ག་ལྟར་སྤྱོད་དེ།། སྤྱོད་པ་ཀྲི་ཡའི་གཙང་སྦྲ
195a4 བྱེད།། དེར་འདོད་ལྟ་བའི་གནས་ཡིན་ཏེ།། དྲི་མེད་པདྨ་ང་ཡི་དབང་།། ཆེ་བའི་ཡོན་ཏན་དེར་ཡང་རྫོགས།། ཡོ་ག་དོན་དམ་རྣམ་དག་པའི།། ཆོས་ཀྱི་དབྱིངས་ཀྱི་ཡེ་ཤེས་སུ།། རྟོགས་པའི་བྱིན་རླབས་ལྟར་སྣང
195a5 བ།། ཡེ་ཤེས་ལྔ་ལས་རིགས་ལྔ་སྟེ།། རྡོ་རྗེ་དབྱིངས་ཀྱི་དཀྱིལ་འཁོར་དུ།། ཐེག་པས་བསྐལ་ནས་དེར་གནས་པ།། དེར་འཛིན་དེ་ཡི་གནད་ཡིན་ཏེ།། དེར་ཡང་དྲི་མེད་པདྨའི་དབང་།། ཆེ་བའི་ཡེ་ཤེས་དེར་ཡང
195a6 ཤར།། མ་ཧཱ་ཡོ་ག་དོན་དམ་དུ།། རང་རིག་གཉིས་མེད་དེ་བཞིན་ཉིད།། རྟོགས་པའི་ཆོ་འཕྲུལ་བསྒྲུབ་རྩོལ་བའི།། ལྷར་སྣང་བ་ལ་འཁོར་བ་མེད།། ཐེག་པས་བསྐལ་ནས་དེར་གནས་པ།། དེ་ཡང་དྲི་མེད་པདྨའི
iiif viewer powered by OpenSeadragon
