| e-texts navigator |
| Wylie |
194b1 སྣང་།། སྤང་ལ་ཤ་མོ་རྡོལ་བ་ལྟ་བུའོ།། ཚེ་ལ་སྔ་ཕྱི་གཉིས་སུ་མེད་པར་བལྟ།། རྐྱེན་གྱི་ལོག་ཚུལ་མུ་སྟེགས་དེར་སྣང་བ།། ང་ལས་མ་གཡོས་མུ་སྟེགས་ང་ཡི་དབང་།། མུ་སྟེགས་རྟག་ལྟ་བདག་ཅེས་རྟོག། སྙིང་དཀྱིལ
194b2 རྟག་པ་ཡུངས་འབྲུ་ཙམ།། དཀར་ལ་དག་པའི་བདག་ཉིད་དེ།། མ་བྱས་ངོ་བོ་ཉིད་ཀྱིས་བྱུང་།། དངོས་པོ་འདི་ལྟར་སྣང་བ་ཡང་།། མ་བྱས་རང་བྱུང་རྟག་པར་བལྟ།། རྐྱེན་གྱིས་ལོག་ཚུལ་རྟག་ལྟ་བ།། ང་ལས་མ་གཡོས
194b3 ང་ཡི་དབང་།། ཆེ་བའི་ཡོན་ཏན་ལོངས་སྤྱོད་རྫོགས་པའི་རྒྱན།། ཆོས་ཅན་ལྟ་བའི་ཉན་ཐོས་པ།། མདོ་སྡེ་པ་དང་བྱེ་བྲག་གཉིས།། ཕྱི་རོལ་ཡུལ་སྤྱོད་བྱེད་པ་དང་།། ཤེས་པ་སྐད་ཅིག་མཐུན་པར་སྣང་།། ཐེག་པས
194b4 བསྐལ་ནས་དེར་སྣང་བ།། ང་ལས་མ་གཡོས་ང་ཡི་དབང་།། རང་རྒྱལ་ཕྱི་ནང་རྟེན་འབྲེལ་ནི།། བཅུ་གཉིས་དག་ལས་གྲུབ་པར་ལྟ།། ཤེས་པ་སྐད་ཅིག་རྗེས་སུ་མཐུན།། ཐེག་པས་བསྐལ་ནས་དེར་གནས་པ།། ང་ལས
194b5 མ་གཡོས་ང་ཡི་དབང་།། མཚན་ཉིད་ཐེག་པ་རྣམ་པ་གསུམ།། རྣམ་རིག་པ་དང་རྣལ་འབྱོར་པ།། དེ་བཞིན་མདོ་སྡེ་དབུ་མ་པའོ།། རྣམ་རིག་ཕྱི་རོལ་མཐོ་ཡོར་མི།། བསམ་ངོར་བདག་ལྟ་མེད་བཞིན་དུ།། རང་རིག
194b6 ཤེས་པ་འཁྲུལ་སྣང་འདོད།། དོན་དམ་ཡེ་ཤེས་སྐད་ཅིག་འདོད།། ཐེག་པས་བསྐལ་ནས་དེར་གནས་པ།། ང་ལས་མ་གཡོས་ང་ཡི་དབང་།། ང་ཡི་རོལ་པ་དེར་ཡང་གནས།། རྣལ་འབྱོར་དབུ་མ་ཀུན་རྫོབ
iiif viewer powered by OpenSeadragon
