| e-texts navigator |
| Wylie |
194a1 འདས་པདྨ་དབང་ཆེན་གྱིས།། ཐུན་མོང་བལྟ་བའི་དོན་འདི་བཀའ་སྩལ་ཏོ།། དྲི་མེད་པདྨ་འདམ་གྱི་མེ་ཏོག་ལྟར།། མ་བྱས་རང་བྱུང་ཐམས་ཅད་ང་ཡི་དབང་།། ཡོན་ཏན་ཐམས་ཅད་རང་ལ་རྫོགས་པས
194a2 ཆེ།། གཅིག་ལས་མ་གཡོས་ཐམས་ཅད་ཅིར་ཡང་སྣང་།། དམྱལ་བ་མེ་ཆུ་ཚ་གྲང་སྡུག་བསྔལ་སྣང་།། ང་ལས་མ་གཡོས་དམྱལ་བ་ང་ཡི་དབང་།། ཡི་དྭགས་རྣག་ཁྲག་རོ་མྱགས་འདམ་སྣང་བ།། ང་ལས་མ་གཡོས་ཡི།
194a3 དྭགས་ང་ཡི་དབང་།། བྱོལ་སོང་རྟེན་གནས་བཟའ་བཏུང་བཀོལ་སྤྱོད་སྣང་།། ལས་ཀྱི་སྐལ་བས་བྱོལ་སོང་དེར་གནས་པ།། ང་ལས་མ་གཡོས་བྱོལ་སོང་ང་ཡི་དབང་།། མི་ལས་བདག་གཞན་སྣོད་བཅུད་དངོས་པོར
194a4 སྣང་།། རྐྱེན་གྱིས་འཁྲུལ་པའི་རྣམ་པ་དེར་སྣང་བས།། ང་ལས་མ་གཡོས་མི་རྣམས་ང་ཡི་དབང་།། ལྷ་མིན་འཐབ་རྩོད་གོ་མཚོན་གཡུལ་འགྱེད་སྣང་།། རྐྱེན་གྱི་ལོག་ཚུལ་ལྷ་མིན་དང་སྣང་བ།། ང་ལས་མ་གཡོས་ལྷ
194a5 མིན་ང་ཡི་དབང་།། ལྷ་རྣམས་རོལ་མོ་ལོངས་སྤྱོད་རིན་ཆེན་ཀློང་།། ལས་ཀྱི་སྐལ་བས་ལྷ་རྣམས་དེར་སྣང་བ།། ང་ལས་མ་གཡོས་ལྷ་རྣམས་ང་ཡི་དབང་།། ལས་ཀྱིས་སྐལ་བས་འགྲོ་དྲུག་དེར་སྣང་བ།། པདྨ་དབང
194a6 ཆེན་ཡོན་ཏན་ཕྱོགས་གཅིག་ལ།། རང་སེམས་ཕྱོགས་འཐེན་ནན་ཏན་དེ་ལྟར་སྣང་།། ང་ལས་མ་གཡོས་འགྲོ་དྲུག་ང་ཡི་དབང་།། ཆེ་བའི་ཡོན་ཏན་ལོངས་སྤྱོད་རོལ་པའི་རྒྱན།། མུ་སྟེགས་ཆད་ལྷའི་ཕྱིར་ན་གློ་བུར
iiif viewer powered by OpenSeadragon
