| e-texts navigator |
| Wylie |
193b1 པར་འདུས་པའི་ཕོ་ཉ་ལ་སོགས་པའི་འཁོར་རྣམས་ལ་རང་བཞིན་བལྟ་བའི་དོན་གྱི་བཀའ་སྩལ་ཏོ།། ཁམས་གསུམ་སྲིད་གསུམ་དག་པའི་ཞིང་དུ་བལྟ།། རང་ལས་བྱུང་བའི་ཉག་གཅིག་དགོངས་པའི་གདེང་། སྐྱོན་གྱི
193b2 མ་གོས་འདམ་གྱི་པདྨ་འདྲ།། ཕྱི་ནང་སྣོད་བཅུད་ཐམས་ཅད་ཀུན་ལ་དབང་།། ཡོན་ཏན་ཐམས་ཅད་རང་ལ་རྫོགས་པས་ཆེ།། གང་ལ་སྤྱད་ཀྱང་དབང་ཕྱུག་རོལ་པའི་རྒྱན།། ཇི་ལྟར་མཐོང་བའི་དྲི་མེད་པདྨའི
193b3 སྒྲ།། གཉིས་སུ་མེད་པར་བརྡལ་བ་ཅིག་གིས་དང་།། རྣམ་པ་ཅིང་ཡང་སྟོན་པ་ལོངས་སྤྱོད་རྫོགས་པའི་སྒྲ།། གདུལ་བྱ་རྣམས་ལ་ཅིང་ཡང་སྤྲུལ་པའི་སྐུ།། གཅིག་ལས་མ་གཡོས་ངོ་བོ་ཐ་དད་མེད།། ཅི་ལྟར་སྣང་བ་པདྨ
193b4 དབང་ཆེན་ཀློང་།། པདྨའི་ཀློང་ན་དབང་ཕྱུག་རོལ་པ་ཆེ།། འདི་ཡི་གོང་ན་དབང་ཆེན་གཞན་མེད་པས།། བདེ་གཤེགས་ཐམས་ཅད་དབང་ཆེན་པ་ཡི་རྒྱན།། ང་ཡི་རང་བཞིན་འདི་འདྲ་བསྟན་མེད་པས།། དབང་ཕྱུག
193b5 རོལ་པའི་ཆོ་འཕྲུལ་ཅིར་ཡང་སྣང་།། སྣང་སྲིད་ཐམས་ཅད་ང་ལས་རོལ་པའི་རྒྱན།། པདྨ་དབང་ཆེན་མཐོང་བ་གཞན་མེད་དེ།། ཆེ་བའི་ཡེ་ཤེས་བལྟ་ན་དབང་ཆེན་པ་ལ་ལྟོས།། དབང་ཆེན་ང་མཐོང་ཐམས་ཅད་ང
193b6 དབང་བྱེད།། ང་ལས་མ་གཡོས་པ་ཉིད་ཅིར་ཡང་སྣང་།། སྣང་ཞིང་སྲིད་པ་དབང་ཆེན་ང་རུ་འདུས།། དྲེགས་པ་ཚར་གཅོད་པའི་རྒྱུད་ལས། རང་བཞིན་ལྟ་བའི་ལེའུ་སྟེ་བཞི་པའོ།། །། དེ་ནས་ཡང་བཅོམ་ལྡན
iiif viewer powered by OpenSeadragon
