| e-texts navigator |
| Wylie |
193a1 དགུ་དཔུང་དང་བཅས་པས་ཕུལ་ལོ།། མ་ནི་མ་མོ་དགུ་དཔུང་དང་བཅས་པས་ཕུལ་ལོ།། དུ་ནི་གཟའ་དགུ་དཔུང་དང་བཅས་པས་ཕུལ་ལོ།། རུ་ནི་སྲིན་པོ་སྡེ་ཚན་དང་བཅས་པས་ཕུལ་ལོ།། ཙ་ནི་བདུད
193a2 སྡེ་ཚན་དང་བཅས་པས་ཕུལ་ལོ།། ཤ་ནི་གནོད་སྦྱིན་སྡེ་ཚན་དང་བཅས་པས་ཕུལ་ལོ།། ན་ནི་ཀླུ་དགུ་དཔུང་དང་བཅས་པས་ཕུལ་ལོ།། ལ་ནི་ལྷའི་སྡེ་ཚན་དང་བཅས་པས་ཕུལ་ལོ།། དྲེགས་པ་ཚར་གཅོད་པའི་རྒྱུད
193a3 ལས་ལྷ་མ་སྲིན་སྡེ་བརྒྱད་ཀྱིས་དམོད་བཙུགས་པའི་ལེའུ་སྟེ་གསུམ་པའོ།། །། དེ་ནས་དཔལ་པདྨ་དབང་ཕྱུག་གིས་ཐབས་དང་ཤེས་རབ་གཉིས་སུ་མེད་པར་བསྟན་པའི་ཕྱིར། ཡུམ་ཁྲོ་མོ་གཟི་ལྡན
193a4 མ་ཉིད་ཀྱི་ཐུགས་ལས་ཕྱུང་སྟེ། གཉིས་སུ་མེད་པར་འཁྲིལ་ཏེ་དེའི་ཚེ་དེའི་དུས་ན་ཡབ་ཡུམ་གཉིས་སུ་མེད་པའི་སྤྲུལ་པ་ལས། བཀའ་སྡོད་ཀྱི་ཕོ་ཉ་བ་རིག་པའི་ཁྲོ་བོ་ཁྲོ་མོ་དང་། ལོང་བ་རྒྱབ་འབྲེལ་དང་། དམུས་ལོང
193a5 འཁོར་བ་དང་། མེ་འབྲུག་དང་། རླུང་འབྲུག་དང་། ཟ་བྱེད་ཀྱི་ཁྱི་སྦྱང་དང་། དཔལ་གྱི་ཁྱི་བརྒྱད་དང་། ཕོ་ཉ་སྤྲུལ་པའི་ཚོགས་དང་། སྦྲང་མོ་རོ་ཤལ་དང་། སྲིན་མོ་མགོ་འཕྱངས་མ་དང་། རག་ཏ་ཙ་མུན་ཏི་དང་།
193a6 ཁྲག་གི་ལྷ་མོ་དང་། ཕུང་བྱེད་སྦས་པའི་མ་བཞི་ལ་སོགས་པ། ཆོས་ཉིད་དབྱིངས་ཀྱི་ཕོ་ཉ་དང་། ཡབ་ཀྱི་བཀའ་སྡོད་ཕོ་ཉ་དང་། ཡུམ་གྱི་བཀའ་སྡོད་ཕོ་ཉ་དང་། དྲག་ཤུལ་བཙན་ཐབས་ཀྱི་ཕོ་དང་། རང་དབང་མེད
iiif viewer powered by OpenSeadragon
