| e-texts navigator |
| Wylie |
192b1 འཁོར་བ་བཙན་ཐབས་སུ་བཟློག་པས། མི་གནས་པའི་ཡེ་ཤེས་སུ་སྦྱར་རོ།། དྲེགས་པ་ཚར་གཅོད་པའི་རྒྱུད་ལས། གདུལ་བྱ་བཙན་ཐབས་ཀྱི་ལེའུ་སྟེ་གཉིས་པའོ།། །། དེ་ནས་ཡང་དྲེགས་པའི་མཆོག་ལྷ་སྲིན་སྡེ
192b2 བརྒྱད་ཀྱིས་འཇིག་རྟེན་གྱི་ཁམས་ཐམས་ཅད་དབང་བྱས་ཏེ། འཇིག་རྟེན་སྟོངས་པར་བྱེད་པ་ལས། དཔལ་པདྨ་ཧེ་རུ་ཀས་ཐུགས་རྗེའི་རོལ་པས་གདུལ་བྱ་ཐབས་ཀྱིས་བཏུལ་ཏེ། སྐུ་མཆོག་འབར་བའི་རྔམ་སྟབས
192b3 ཀྱིས། ཚམ་རྔམས་དྲག་པོས་གཟིར་བ་དང་།། དཔལ་གྱི་རྟ་སྐད་ཟེངས་གསུམ་གྱིས།། བྲེད་ཅིང་རབ་ཏུ་སྤངས་པར་བྱས།། ཐུགས་རྗེ་རོལ་པའི་བརྟུལ་ཞུགས་ཀྱིས།། བཀའ་དང་དམ་ལ་བཏགས་པས། ལྷ་མ་སྲིན་སྡེ
192b4 བརྒྱད་ཀྱིས་རང་རང་གི་སྡེ་དང་དཔོན་དུ་བཅས་པ་མངགས་པ་དང་བཅས་ཏེ། མགྲིན་གཅིག་ཏུ་རང་རང་གི་བརྡའ་སྐད་ཀྱིས་དམོད་མོ་དང་མཚང་ཚིག་མདོངས་གསོལ་དུ་ཕུལ་བ་འདི་ལྟ་སྟེ། ཨ་ཡ་དུ་རུ་ཙ་ཤ་ན་ལ།
192b5 ལྷ་མ་སྲིན་སྡེ་བརྒྱད་དཔུང་དང་བཅས་པས་ཕུལ་ཏེ། དཔལ་ཆེན་པོ་པདྨ་ཧེ་རུ་ཀས། ལྷ་མ་སྲིན་གྱི་བརྡའ་སྒྲ་དགུ་མི་བརྗེད་པའི་གཟུངས་སུ་གཏད། དབང་ཆེན་གྱི་ཕོ་ཉ་གཏད་ནས། གཟུངས་སུ་བཞག་གོ། ལྷ་མ་སྲིན
192b6 གྱི་བརྡའ་སྒྲ་སྐད་གྲགས་པའི་དུས་སུ། སྙན་པའི་མདའ་བྱ་བར་ཁས་འཆེས་སོ།། དེ་ནས་ཡང་ཨ་ནི་མ་བྱུང་མ་སྐྱེས་པའི་ཀློང་ནས། དཔལ་ཆེན་པོའི་སྐུར་བྱུང་སྟེ། དཔལ་པདྨ་དབང་ཆེན་ལ། ཡ་ནི་གཤིན་རྗེ
iiif viewer powered by OpenSeadragon
