| e-texts navigator |
| Wylie |
192a1 བཏབ་ནས། ཐུགས་རྗེས་རང་སར་བསྐུལ་ལོ།། དྲེགས་པ་ཚར་གཅོད་ཀྱི་རྒྱུད་ལས། གཉེན་པོ་སྔོན་བྱུང་གི་ལེའུ་སྟེ་དང་པོའོ།། །། དེ་ནས་ཡང་དཔལ་པདྨ་དབང་ཆེན་གྱིས། སྦས་པའི་དཀྱིལ
192a2 འཁོར་དགུས་འདུལ་བའི་ཐབས་ཕྱུང་སྟེ། ཀླད་པ་དུང་ཁང་གི་གཞལ་ཡས་ཁང་དུ་རྡོ་རྗེ་དབྱིངས་ཀྱི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། ལྷག་པའི་རྒྱས་སུ་རྟ་མགྲིན་དབང་གི་དཀྱིལ་འཁོར་འདུལ
192a3 བའི་ཐབས་སུ་ཕྱུང་བ་དང་།། ཐུགས་ཀར་ཡེ་ཤེས་སེམས་དཔའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། ཕྱག་རྒྱའི་གནས་སུ་འགྲོ་བ་འདུལ་བའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། སྐུའི
192a4 གནས་སུ་ངན་སོང་སྐྱོང་བའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། རིན་པོ་ཆེའི་གཤོག་པ་ལས་ཁམས་གསུམ་རྣམ་པར་རྒྱལ་བའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། ཞབས་ལས་ཧཱུཾ་མཛད
192a5 ཆེན་པོའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། བྷ་གའི་གནས་སུ་ལིངྒ་ཆེན་པོའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། གཞལ་ཡས་ཁང་གི་གནས་སུ་ལྷུན་གྱིས་གྲུབ་པའི་དཀྱིལ་འཁོར་གདུལ
192a6 བྱའི་ཐབས་སུ་ཕྱུང་བ་དང་དགུའོ།། དེ་ནས་དཀྱིལ་འཁོར་ཆེན་པོ་དགུས་གདུལ་བྱ་ཟིལ་གྱིས་མནན། ཐེག་པ་རིམ་དགུའི་ཀློང་བརྟོལ་ནས་ས་དགུར་མཉམ་པར་སྦྱར། དྲེགས་པ་ཚར་བཅད་ནས་སྐུ་གསུང་ཐུགས་སུ
iiif viewer powered by OpenSeadragon
