| e-texts navigator |
| Wylie |
191b1 རྒྱ་གར་སྐད་དུ། ཤྲཱི་པདྨ་མ་ཧཱ་བ་ཤ་དུཥྚ་བི་གྲ་ཧ་ཏནྟྲ་ནཱ་མ། བོད་སྐད་དུ། དཔལ་པདྨ་དབང་ཆེན་དྲེགས་པ་ཚར་གཅོད་ཀྱི་རྒྱུད་ཅེས་བྱ་བ། བཅོམ་ལྡན་འདས་དཔལ་པདྨ་དབང་ཆེན་ཧེ་རུ་ཀ་ལ་ཕྱག་འཚལ
191b2 ལོ།། འདི་སྐད་བཤད་པའི་དུས་གཅིག་ན། འོས་མིན་གྱི་གནས་ཡུམ་གྱི་མཁའ་ཆོས་ཀྱི་དབྱིངས་རྣམ་པར་དག་པ་ན། བཅོམ་ལྡན་འདས་དཔལ་རྡོ་རྗེ་སེམས་དཔའ་མཉམ་པ་ཉིད་ཀྱི་ངང་ལས་མནལ་སད་དེ།
191b3 ཆོས་ཐམས་ཅད་སྤྱན་གྱི་ར་བར་བཅུག་ནས། ཐིག་ལེ་གཅིག་གི་ངང་དུ་ཡེ་རྒྱས་ཐེབས་པར་གཟིགས་ཏེ། རང་བཞིན་ལྷུན་གྱིས་གྲུབ་པའི་དཀྱིལ་འཁོར་ནས། རྡོ་རྗེ་སེམས་དཔའ་ཡོངས་ལ་ཁྱབ་ཅིང་བརྡལ་བའི་སྐུའི
191b4 ཆེ་བའི་ཡོན་ཏན་ཐམས་ཅད་རང་ལ་རྫོགས་པར་བསྟན་ཏེ། སླར་ཡང་སྐུ་གསུང་ཐུགས་ཀྱི་དཀྱིལ་འཁོར་བསྡུས་པ་ལས།། མ་བྱས་རང་བྱུང་ཡེ་ཤེས་པདྨོར་འཁྱིལ་ཏེ། ཐིག་ལེ་ཆེན་པོ་གཅིག་ཏུ་མཉམ་པ་ལས། དེ་ལྟར
191b5 ལ་གཟིགས་ཤིང་སོ་སོར་བརྟགས་ནས།། ཆེ་བས་མྱོས་པ་དང་། དྲེགས་པས་བརྒྱལ་བ་རྣམས་ཚར་གཅོད་པའི་ཐབས་སུ། སྤྱན་རས་གཟིགས་སུ་སྒྲ་སྤྲུལ་ཞིང་།། རྡོ་རྗེ་སེམས་དཔའ་ཐུགས་ཁྲོས་པ་ལས། དཔལ་པདྨ
191b6 དབང་ཆེན་དབུ་ལྔ་ཕྱག་བཅུ་དྲུག་པར་གྱུར་ཏེ། སྦས་པའི་དཀྱིལ་འཁོར་དགུ་ཡི་ཡེ་ཤེས་རང་ལ་རྫོགས་པར་བསྟན་ནས། ཁམས་གསུམ་དབང་དུ་བསྡུས་ཤིང་སྲིད་གསུམ་ཟིལ་གྱིས་མནན་ཏེ། འཁོར་བའི་སྒྱུ་མ་ལིངས
iiif viewer powered by OpenSeadragon
