| e-texts navigator |
| Wylie |
191a1 འཚལ་བསྟོད།། ཅེས་བསྟོད་དོ།། དཔལ་གཙོ་བོ་ལ་བསྟོད་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་གར་དབང་གིས།། འཁོར་གནས་ཚོགས་ལ་འདི་སྐད་གསུངས།། པདྨ་གར་གྱི་དབང
191a2 ཕྱུག་ཆེའི།། པདྨ་རིགས་ཀྱི་རྒྱུད་མཆོག་འདི།། ནོར་བུ་ལྟ་བུར་དགོས་འདོད་འབྱུང་།། སྐུ་གསུང་ཐུགས་དང་ཡོན་ཏན་དང་།། ཕྲིན་ལས་ཕུན་སུམ་ཚོགས་པ་སྟེ།། ཀླུ་གཉེན་འབྱུང་པོ་འདུལ་བ་དང་།། ཐུན་མོང་མཆོག
191a3 གི་དངོས་གྲུབ་གཏེར།། ཡོན་ཏན་བྱིན་རླབས་བརྗོད་མི་ལང་།། དེ་ལྟར་སྟོན་པའི་རྒྱུད་འདི་ཡང་།། ཁྱེད་རྣམས་ཀུན་གྱིས་འདི་ཟུང་ཞིང་།། བསྟན་པའི་སྙིང་པོ་ཐུབ་པར་སྲུངས།། ཞེས་གསུངས་སོ།། དེ་ནས་ནམ
191a4 མཁའ་ལྡིང་གི་ཚོགས་དང་།། བྱང་ཆུབ་སེམས་དཔའ་རྣམས་དང་འཁོར་དང་བཅས་པ་རྗེས་སུ་ཡི་རངས་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ཡོངས་སུ་གཏད་པའི་ལེའུ་སྟེ་བཅུ་གཅིག
191a5 པའོ།། །། དཔལ་རྟ་མགྲིན་གྱི་ལས་རྒྱུད་ལས་ཚོགས་དང་བཅས་པ་རྫོགས་སོ།། །། སློབ་དཔོན་པདྨ་དང་། ངན་ལམ་རྒྱལ་བ་མཆོག་དབྱངས་ཀྱིས་བསྒྱུར་བའོ།། །། བར་འདིར་རྟ་མགྲིན་གསང་རྒྱུད་ཅེས
191a6 པ་ཤོག་བུ་བཅུ་སྐོར་ལེའུ་ཉེར་ལྔ་པ་ཞིག་འདུག་ཀྱང་ཡིག་ནོར་རྒྱུན་འཕྲུགས་ཁོ་ནས་དཔྱད་མ་བཟོད་པས་བཞག།
iiif viewer powered by OpenSeadragon
