| e-texts navigator |
| Wylie |
190a1 ཀུན།། དམ་ཚིག་སྡོམ་པ་མེད་ན་མི་འགྲུབ་པས།། དེ་བས་དམ་ཚིག་ཚུལ་བཞིན་བསྲུང་།། དངོས་གྲུབ་གཉིས་དང་བྱིན་རླབས་ཀྱང་།། རྩ་བ་ཡན་ལག་བསྲུངས་ལས་འབྱུང་།། བླ་མ་བཀུར་དང་ལུས
190a2 ངག་ཡིད།། སྒོ་གསུམ་རྒྱུན་དུ་ཉམས་མི་བྱ།། ཤེས་བཞིན་ལྡན་པས་མཉེས་པའི་ཐབ།། བག་ཡོད་གནས་པས་འགལ་མི་བྱ།། ལྷ་དང་སྔགས་ལ་སོགས་པ་དང་།། སྤྱི་དང་བྱེ་བྲག་དམ་ཚིག་དང་།། ཐུན་བཞིའི་རྣལ
190a3 འབྱོར་ཉམས་མི་བྱ།། སེམས་ཅན་རྣམས་ལ་བྱམས་པ་བསྐྱེད།། སྙིང་རྗེའི་བསམ་པ་རྒྱུད་དུ་བསྐྱེད།། བླ་མ་མཆོད་ལ་ཉམས་མི་བྱ།། རྫས་དང་མཆོད་པ་ཆག་ཉམས་མེད།། ཡིད་གཉིས་ཐེ་ཚོམ་རྣམ་པར་སྤང་།། ང
190a4 ལ་རློམ་སེམས་ཕྲག་དོག་དང་།། དུག་གསུམ་ཉོན་མོངས་འཇོམས་པར་བྱེད།། ལེ་ལོ་སྙོམས་ལས་དོར་བྱས་ཏེ།། བརྩོན་འགྲུས་ཕ་རོལ་ཕྱིན་རྫོགས་ཤིང་།། མདོར་ན་དགེ་བཅུ་དང་དུ་བླངས།། གསང་སྔགས་ལྟ་སྤྱོད
190a5 ཟུང་དུ་འབྲེལ།། བསྙེན་བསྒྲུབ་གཞུང་བསྲང་ལས་ངན་དོར།། གསང་སྔགས་དམ་ཚིག་གཞུང་བཞིན་བསྲུང་།། ལྟ་བས་ཟག་བཅད་གདེང་དུ་བཅའ།། འཁོར་བ་མྱ་ངན་འདས་པའི་ཆོས།། མ་ལུས་རིག་པ་བྱང་ཆུབ
190a6 སེམས།། སྐྱེ་འགག་མེད་པའི་མཐའ་ལས་གྲོལ།། རྣམ་རྟོག་ཆོས་དབྱིངས་ངང་དུ་གཞི་ལ།། མ་སྤངས་ཆོས་ཉིད་གཟུང་འཛིན་མེད།། ཡེ་ནས་རང་བྱུང་ཆོས་ཉིད་སྐུ།། མཚན་མའི་སྤྲོས་པ་ཡེ་སངས་རྒྱས།། མཁའ་ལྟར
iiif viewer powered by OpenSeadragon
