| e-texts navigator |
| Wylie |
189b1 སྐྱབས་འགྲོ་བྱ་ཞིང་གདགས།། རས་སམ་འཁར་གཞོང་ནང་དག་ཏུ།། ཀླུ་གཟུགས་སྣ་ཚོགས་བཅུག་ནས་ནི།། སྨན་དང་གཏོར་མ་བྱིན་བརླབ་དབུལ།། བཀའ་བསྒོ་བྱས་ཏེ་སྦས་གྱུར་ན།། ཀླུ་ནད་ཀུན་ལས་ཐར་པར
189b2 བྱེད།། གང་ཡང་རུང་བའི་མཐུན་རྫས་དང་།། གཏོར་མ་དག་གིས་མཆོད་བྱས་ཏེ།། གནས་སྐབས་གང་བྱེད་ལས་བཅོལ་ཞིང་།། དབང་བསྐུར་ཟིལ་མནན་བསྟོད་བྱས་ནས།། ཐ་མ་ལས་ལ་གཟུད་པར་བྱ།། ཏིང་འཛིན
189b3 གཞལ་ཡས་ལྷ་བསྐྱེད་ནས།། སྤྱན་དྲང་མཆོད་བསྟོད་རྫོགས་བྱས་ནས།། མེ་ཡི་རྣལ་འབྱོར་རྫོགས་བྱས་ནས།། སྔགས་བཟླས་གང་འདོད་བསྲེག་པར་བྱེད།། རིན་པོ་ཆེ་ཡི་བུམ་པའི་ནང་།། ཚེ་ཆང་རྫས་དང་སྨན་བླུག
189b4 སྟེ།། མཎྜལ་སྟེང་གཞག་བྱིན་གྱིས་བརླབ།། འཇིག་རྟེན་ཁམས་ཀྱི་ཚེ་བཀུག་ནས།། སྔགས་བཟླས་བསྟོད་ཅིང་བསྟིམ་པར་བྱ།། ལས་རྣམས་དབང་དུ་བསྡུ་བ་ལ།། རང་ཉིད་སྔགས་བཟླས་ལྷ་བསྒོམས་ཏེ།། གཏོར་མ
189b5 སྔགས་བཟླས་རྫས་རྣམས་བསག། སེང་ལྡེང་ཕུར་བ་བྱིན་བརླབས་ལ།། ཐ་མ་ལས་ལ་སྦྱར་བྱས་ན།། གང་ལ་བྱ་བ་དབང་དུ་འགྱུར།། དཔལ་རྟ་མགྲིན་གྱི་ལས་རྒྱུད་ལས། ལས་སྣ་ཚོགས་བསྟན་པའི་ལེའུ་སྟེ་བརྒྱད
189b6 པའོ།། །། དེ་ནས་མཁའ་ལྡིང་རྒྱལ་པོ་ཡིས།། དམ་ཚིག་བལྟ་བའི་དོན་རྣམས་ཞུས།། བཅོམ་ལྡན་འདས་ཀྱིས་བཀའ་སྩལ་པ།། སྤྱིར་ན་ལས་རྣམས་ཐམས་ཅད་ལ།། བསྙེན་བསྒྲུབ་ལས་རྣམས་ཐམས་ཅད
iiif viewer powered by OpenSeadragon
