| e-texts navigator |
| Wylie |
189a1 བརྒྱངས་ལ་སྤྲད་པར་བྱ།། དཔལ་རྟ་མགྲིན་གྱི་ལས་རྒྱུད་ལས།། མནན་སྲེག་སྐྲོད་ཅིང་རེངས་པར་བྱེད་པའི་ལེའུ་སྟེ་བདུན་པའོ།། །། དེ་ནས་མཁའ་ལྡིང་རྒྱལ་པོ་ཡིས།། ལས་རྣམས་རབ་ཏུ་བྱེད
189a2 པའི་དོན།། གར་དབང་ཉིད་ལ་རབ་ཏུ་ཞུས།། དབང་ཕྱུག་གར་གྱིས་བཀའ་སྩལ་པ།། རྗེས་འཇུག་རྣལ་འབྱོར་སྒྲུབ་པ་པོས།། བསྙེན་པ་བསྒྲུབ་པ་མཐར་ཕྱིན་ནས།། ལས་ནི་གང་བྱས་འགྲུབ་པར་བྱེད།། དབབ་བཅད
189a3 གཉིས་ཀྱི་ལས་རྣམས་ནི།། གང་ཡང་རུང་བའི་ཡུལ་ཁམས་སུ།། མཆོད་དང་སྦྱིན་གཏོང་རྒྱ་ཆེར་བྱ།། ཕུར་བུ་བཅུ་སྔགས་བྲིས་ལ་གདགས།། རབ་གནས་བྱིན་བརླབ་མཆོད་བྱས་ཏེ།། ཉུང་དཀར་རྫས་ལྔ་དག་ལ
189a4 བསྔགས།། ཕྱོགས་བཅུར་གསེར་སྐྱེམས་གཏོར་མ་གཏང་།། ཕུར་བུ་བཅུ་དང་ཐོ་ཡིས་བསྐོར།། རང་ཉིད་ལྷར་བསྒོམ་སྡིགས་མཛུབ་བསྒྲེང་།། སྔགས་བཟླས་རྫས་ཀྱིས་གཏོར་བར་བྱ།། གཞན་ཡང་གཏོར་མ་ཐུན་རྫས
189a5 བསག། ལྷ་བསྐྱེད་ཡུལ་གྱི་ལྷ་ཀླུ་མཆོད།། བསྙེན་དང་བསྒྲུབ་སྔགས་མཇུག་ལ་ཡང་།། ནཱ་ག་རཱ་ཛ་ཆེ་ཕོབ་ཅེས།། ཞི་དྲག་གཉིས་ཀྱིས་དབབ་པར་བྱ།། དམ་ཚིག་ལྡན་པའི་རྣལ་འབྱོར་པས།། རས་སམ་གྲོ་གའི་ཤུན་པ
189a6 ལ།། སྲུང་བའི་འཁོར་ལོ་སྔགས་དང་བཅས།། མཎྜལ་སྟེང་གཞག་བྱིན་གྱིས་བརླབ།། མཆོད་བསྟོད་བྱས་ལ་ལུས་ལ་གདགས།། ཡང་ན་ཚོན་སྐུད་སྣ་ལྔ་ལ།། སྔགས་བཟླས་མདུད་པ་བྱས་ནས་ཀྱང་།། བྱིན་བརླབ
iiif viewer powered by OpenSeadragon
