| e-texts navigator |
| Wylie |
188b1 མཚན་མ་བསྟན་པའི་ལེའུ་སྟེ་དྲུག་པའོ།། །། དེ་ནས་མཁའ་ལྡིང་རྒྱལ་པོ་ཡིས།། མནན་དང་སྦྱིན་སྲེག་བསྐྲད་པ་ཡིས།། ཚར་གཅོད་པ་ཡི་དོན་རྣམས་ཞུས།། རྟ་མགྲིན་དཔལ་གྱིས་བཀའ་སྩལ་པ།། རྒྱས་པའི
188b2 སྦྱིན་སྲེག་ཆེན་པོ་ནི།། དཀྱིལ་འཁོར་འདོམ་གང་གྲུ་བཞི་པ།། ཨེ་སྟེ་གྲུ་གསུམ་ཉི་ཤུ་གཅིག། ཁྲག་དང་དུག་གིས་ཞལ་བ་བྱ།། གདུག་པ་ཧོམ་གྱི་ཤིང་བརྩིགས་ཏེ།། མཆོད་རྫས་བསྲེག་རྫས་འབྲུ་དང་དྲུག། ཤ་དང
188b3 ཁྲག་དང་མར་ནག་སོགས།། ཐམས་ཅད་ཚོགས་པར་བྱས་ནས་ཀྱང་།། ཕྲིན་ལས་གཞུང་བསྲང་ཐབ་ཁུང་ནང་།། མེ་ལྷ་ཨག་ནེ་རཱ་ཛ་ལ།། མཆོད་བསྟོད་རྫོགས་པར་བྱས་ནས་ཀྱང་།། ལྟོ་བར་ལྷ་བསྐྱེད་སྦྱིན་སྲེག
188b4 དབུལ།། ཕྲིན་ལས་བྱ་བ་རྣམས་སྐབས་སྦྱར།། ཐུན་ལ་སོགས་པ་ཅི་རིགས་བྱ།། བསྡུས་པ་ཐབ་ཁུང་བུད་ཤིང་བརྩིག། བསྲེག་རྫས་ལ་སོགས་འབྱོར་ཚོགས་བྱ།། ཟབ་བསྐྱེད་མེ་དམར་ལྷར་བསྐྱེད་ནས།། ཆོ་ག་གཞུང
188b5 བསྲང་མཆོད་བསྟོད་ནས།། མཇུག་ཏུ་ཐུན་དང་བྲོ་བརྡུངས་ཏེ།། ཐལ་བ་རྒྱ་གྲམ་ལམ་དུ་འཕྱར།། མནན་པ་དགྲ་བགེགས་རྣམ་གསུམ་ལས།། དགྲ་བོ་ཀླུ་ལ་གཏད་པ་དང་།། བགེགས་ལ་ཟོད་པར་གཟུགས་བཅུག
188b6 སྟེ།། མནན་ནས་རྟ་གདོང་བྲོ་ཡིས་བརྡུང་།། ཡང་ན་གང་གནོད་གཟུགས་བྲིས་མནན།། བསྐྲད་པའི་འཁྲུལ་འཁོར་བསྐོར་ནས་ཀྱང་།། རི་རྩེ་ཆུ་གཞུང་རླུང་ལ་བསྐུར།། འབྱུང་པོ་རེངས་པའི་འཁོར་ལོ་ནི།། རྩང་ལ
iiif viewer powered by OpenSeadragon
