| e-texts navigator |
| Wylie |
186a1 གཏོར་མ་སྩོགས་བྱས་ཏེ།། མཎྜལ་སྟེང་དུ་མཆོད་པའི་རྫས།། དུར་ཁྲོད་མེ་ཁྲག་མཚམས་བཅད་དོ།། མ་སྐྱེས་དབྱིངས་ལས་ཐུགས་རྗེར་བསྒོམ།། ཧྲཱིཿལས་དབང་ཆེན་ཡུམ་ལྔ་རྫོགས།། བྷྲཱུཾ་ལས་དུར་ཁྲོད
186a2 གཞལ་ཡས་ཁང་།། ཉི་ཟླ་པདྨ་ཆུ་བདག་སྟེང་།། ཁྲོ་རྒྱལ་ཀུན་ལས་བརྗིད་པའི་སྐུ།། དམར་ནག་ཞལ་གསུམ་ཕྱག་དྲུག་སྟེ།། གཡས་དཀར་གཡོན་དམར་རྟ་མགོ་ལྗང་།། ལྕགས་སྒྲོག་རལ་གྲི་དགྲ་སྟ་བྱར།། པདྨ
186a3 གཤོལ་དང་ཐོ་བ་བསྣམས།། ཞབས་བཞི་དོར་སྟབས་བརྐྱང་བསྐུམ་བགྲད།། ཨེ་ཀ་དམར་ནག་ཆས་ཀྱིས་བརྒྱན།། ཁ་ཊྭཱཾ་ཟོད་རློན་ཡབ་ལ་སྟོབ།། ཡབ་ཡུམ་གཉིས་མེད་བྱིན་རླབས་ལས།། ཕོ་ཉ་བྱི་ལ་ཕུ་ཤུད
186a4 མགོ། དམར་ནག་ལྕགས་ཀྱུ་ཕུར་པ་འཛིན།། དབྱིངས་ནས་སྤྱན་དྲང་བཞུགས་བརྟན་ཕྱག། སྨན་ར་ཀ་གཏོར་མ་ལ་སོགས་མཆོད།། ཐུགས་ཀའི་ཏིང་འཛིན་གསལ་བྱས་ཏེ།། བསྙེན་སྔགས་བཟླས་ཏེ་བཅོལ་སྔགས
186a5 གདགས།། དུས་དང་གྲངས་དང་མཚན་མ་རྟགས།། བསྒྲུབ་པ་བྱ་བའི་རིམ་པ་ནི།། དུར་ཁྲོད་དབེན་པའི་གནས་དག་ཏུ།། སྔོན་དུ་འགྲོ་བའི་ལས་རྫོགས་ནས།། དཀྱིལ་འཁོར་ཟླ་གམ་ཁྱམས་སྒོར་བཅས།། སྨན་རག
186a6 གཏོར་མ་རྫས་རྣམས་བསགས།། སྔོན་བཞིན་དཀྱིལ་འཁོར་བསྐྱེད་སྤྱན་དྲངས།། མཆོད་བསྟོད་བསྒྲུབ་པའི་བཟླས་པ་བྱ།། དམར་ནག་གྲུ་གསུམ་པར་ཁྱམས་བཅས།། དབུས་སུ་ཕུར་བསྒོ་ལ་ཡང་དགོད།། རོ་རས
iiif viewer powered by OpenSeadragon
