| e-texts navigator |
| Wylie |
184a1 མཐར་ཕྱིན།། རྡོག་མ་ལེ་བརྒན་དབང་བསྡུད་རྒྱུད།། མ་ལུས་གྱུར་ནས་གསུང་ཁྱོད་འདུད།། ཅེས་བསྟོད་དོ།། དེ་ནས་བཅོམ་ལྡན་འདས་ཀྱིས་འཁོར་རྣམ་ལ་འདི་སྐད་གསུངས་སོ།། དབང་ཆེན་སྐུ་ལ
184a2 རྒྱལ་བ་འདུས།། བདེ་གཤེགས་འདུས་པའི་རྒྱུད་ཅེས་བྱ།། རྟ་མགྱོགས་རྡོག་སྤུག་གནས་སུ་འགྲོ། འཁོར་བ་སེམས་ཅན་ལྷ་སྲིན་ཀུན།། དབང་བསྡུས་སངས་རྒྱས་ས་ལ་འགྲོ།། རྡོག་མ་ལེ་བརྒན་རྒྱུད་ཅེས་བྱ།། གནས
184a3 ལུགས་སེམས་ཉིད་གཞི་ཡི་རྒྱུད།། བསྐྱེད་རྫོགས་གྲོལ་བ་ལམ་གྱི་རྒྱུད།། རིག་འཛིན་སྐུ་བཞིའི་འབྲས་བུའི་རྒྱུད།། གཞི་ལམ་འབྲས་བུའི་རྒྱུད་ཅེས་བྱ།། རིག་པ་བཞི་ཡི་ཆོས་རྣམས་ཀུན།། གཏན་ལ་འབེབས་པར
184a4 གཟིགས་གྱུར་པ།། མ་རིག་བློ་ཡི་མུན་པ་སེལ།། ཤེས་བྱ་སེམས་ཀྱི་གྲས་ཐག་བཅས།། རིག་པས་རྒྱ་མདུད་གྲོལ་བའི་རྒྱུད།། ཐུན་མོང་ལས་ཀྱི་ཚོགས་རྣམས་ཀུན།། ཕན་གནོད་བདག་གཞན་དོན་རྣམས
184a5 འགྲུབ།། མཆོག་གི་འབྲས་བུ་འགྲུབ་འགྱུར་བས།། ཐུན་མོང་མཆོག་ཏུ་བསྒྲུབ་པའི་རྒྱུད།། ཟབ་པས་ཡེ་ཤེས་ཆོས་ཀྱི་སྐུ།། རྒྱ་ཆེ་ཆོས་དབྱིངས་མུ་མཐའ་གྲོལ།། རྒྱ་མཚོ་ནམ་མཁའ་ལྟ་བུའི་ཆོས།། ཟབ་པ་རྒྱ་ཆེ་བསྟན
184a6 པའི་རྒྱུད།། ཐབས་མཆོག་སྙིང་རྗེ་ཆེན་པོར་ཤར།། ཤེས་རབ་སྟོང་ཉིད་མ་བཅོས་རྟོགས།། སྟོང་ཉིད་སྙིང་རྗེའི་སྙིང་པོ་ཅན།། ཐབས་དང་ཤེས་རབ་འབྲེལ་པའི་རྒྱུད།། རྒྱ་མཚོའི་ཆུ་རྒྱུན་ཀུན་འཛིན་ཅིང་།། དེ་ལས་བྱུང
iiif viewer powered by OpenSeadragon
