| e-texts navigator |
| Wylie |
183b1 པ།། ངོ་བོ་ཉིད་ཀྱི་སྐུ་གྱུར་པ།། གཅིག་དང་ཐ་དད་ལས་གྲོལ་བ།། གདུལ་བྱའི་རྣམ་པ་སོ་སོར་སྣང་།། ནམ་མཁའི་དབྱིངས་ནས་རང་ཤར་བ།། ཉི་ཟླའི་དཀྱིལ་འཁོར་རབ་རྒྱས་པ།། མུན་མེད་མུན་པས་བསྒྲིབས་ལྟར
183b2 སྣང་།། མུན་སྣང་དོན་ལ་གྲུབ་པ་མེད།། ཅེས་གསུངས་སོ།། དབང་ཆེན་བདེ་གཤེགས་འདུས་པ་པདྨ་གསང་བ་རྡོག་མ་ལེ་བརྒན་གྱི་རྒྱུད་ལས། སྦྱོར་བ་ཡན་ལག་དྲུག་པའི་ལེའུ་སྟེ་བཅུ་དྲུག་པའོ།། །། དེ་ནས
183b3 བཅོམ་ལྡན་འདས་རྗེ་བཙུན་འཕགས་པ་རྟ་མཆོག་ཆེན་པོ་ལ་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཧོ་རྗེ་བཙུན་གར་གྱི་དབང་།། རིག་པ་བཞི་ལ་གཟིགས་པ་ཡིས།། རྒྱུད་ལུང་མན་ངག་མ་ལུས
183b4 པ།། བཅིངས་པའི་མདུད་པ་གྲོལ་བར་བྱེད།། འོད་གསལ་སེམས་ཀྱི་རང་བཞིན་རྟོགས།། དམ་ཚིག་དངོས་གྲུབ་ལོ་ཏོག་སྨིན།། དུག་ལྔ་བདེ་ཆེན་ལམ་དུ་གྲོལ།། འཁོར་འདས་ཉོན་མོངས་ལྔ་མདུད་བཀྲོལ།། དབང
183b5 གི་སྐུ་ལ་མ་ལུས་རྫོགས།། རྒྱན་རྣམ་ཆོས་ཉིད་བདེ་བར་ལྡན།། མཆོད་བསྟོད་རྒྱལ་བ་མཉེས་པར་བྱེད།། རྟ་སྐད་གདུག་པ་གསུམ་རྣམས་འདུལ།། ཕྲིན་ལས་ཕན་གནོད་ལས་ཀུན་འགྲུབ།། ས་ཡི་གདུག་པའི་ནད
183b6 རྣམས་ཀུན།། མཐུན་པའི་རྫས་ཀྱིས་སེལ་བར་བྱེད།། ཕན་གནོད་ཐུན་མོང་དངོས་གྲུབ་སྟེར།། ས་ལམ་གསང་སྔགས་ཏིང་འཛིན་བགྲོད།། རིག་འཛིན་ལམ་གྱི་འབྲས་བུར་འགྱུར།། སྦྱོར་དྲུག་རྫོགས་རིམ་གནས
iiif viewer powered by OpenSeadragon
