| e-texts navigator |
| Wylie |
183a1 མེད་འདྲེས་ནས་ལྷ་ཞེས་བཏགས།། དེ་ཉིད་བདག་ཉིད་ཆེན་པོ་རྣམ།། ཐུགས་ནི་གསང་བའི་ཡེ་ཤེས་ཉིད།། མཚན་མའི་གཟུགས་སུ་སྤྲུལ་པ་སྟེ།། ཆུ་ཉིད་གྲང་བའི་རྐྱེན་གྱིས་ནི།། འཁྲུགས་རོམ་གྱུར་པ
183a2 ལྟ་བུའོ།། ཆོས་རྣམས་ལྷུན་གྱིས་གྲུབ་པ་ཡི།། ཕྱག་རྒྱའི་རང་བཞིན་ཡིན་པ་ལ།། ལས་ཀྱི་འཕྲོ་དང་སྐལ་བ་ཡི།། དབང་གིས་སོ་སོར་སྣང་བ་དེ།། ཤིན་ཏུ་དག་པར་འདུལ་གྱུར་རྣམས།། ལོངས་སྤྱོད་རྫོགས་པའི་སྐུར
183a3 སྣང་ངོ་།། སེམས་ཅན་ཁེངས་པ་དག་ལ་ཡང་།། ལས་ནི་དག་པར་གྱུར་རྣམས་ལ།། སྦྲུལ་སྐུ་རབ་བྱུང་ཆ་ལུགས་སྣང་།། དེ་ཡི་འོག་མ་རྣམས་ལ་ནི།། ཆ་ཤས་དག་གིས་ཕྱག་རྒྱར་སྣང་།། དེ་ཡི་འོག་མ་རྣམས་ལ
183a4 ནི།། ཐུན་མོང་གཟུགས་བརྙན་ལ་བརྟེན་པའི།། ཕྱག་རྒྱ་ཐ་དད་སྣང་བས་ཏེ།། ཐམས་ཅད་ལྷུན་གྱིས་གྲུབ་པ་ལ།། ཕྱག་རྒྱའི་བྱེ་བྲག་མེད་པར་འདོད།། དེ་ལྟར་སྣང་བ་ཐམས་ཅད་ཀུན།། གཞན་ནས་ཡོད་འོང་མ་ཡིན
183a5 ཏེ།། རང་ལུས་ཡིད་ནི་རྩལ་ལས་གྲུབ།། སྔགས་ནི་ཡེ་ཤེས་རང་ལ་གནས།། ལུས་ཁམས་བདུད་རྩི་ཆེན་པོ་རྣམས།། སྙིང་པོ་རླུང་གི་འཕྲོ་འདུ་ཅན།། སྦྲུལ་སྐུ་མཛད་པ་བཅུ་གཉིས་རྫོགས།། སྟོང་གསུམ་མ་ལུས་འདུལ
183a6 བའི་མགོན།། ལོངས་སྐུ་འཁོར་འདས་གཉིས་ལ་སྤྱོད།། ས་བཅུའི་བྱང་ཆུབ་སེམས་དཔའ་ཡི།། ཤེས་བྱའི་སྒྲིབ་པ་རྣམ་པར་སེལ།། ཆོས་སྐུ་དྲི་མ་མེད་པ་ནི།། ཕྱག་རྒྱ་ཆེན་པོ་མཆོག་གི་སྐུ།། སྐུ་གསུང་ཐ་དད་མེད་གྱུར
iiif viewer powered by OpenSeadragon
