| e-texts navigator |
| Wylie |
182b1 འདོད་པ་ཡིས།། དེ་དག་རྣམས་ཀྱིས་ཚུལ་དུ་སྤྱོད།། གང་དག་ཚུལ་བཞིན་བྱེད་མ་ནུས།། མོས་དང་བྱ་བས་གཡེང་འགྱུར་ཞིང་།། ཚུལ་བཞིན་སྦྱོར་བར་མི་ནུས་རྣམས།། བརྡའ་དོན་ལྷ་ཡི་ཏིང་འཛིན་ནི།། ཇི་ལྟར་ཡིན
182b2 པ་ཡིད་ལ་བྱ།། དེས་ཟིན་ཆོ་ག་རིམ་གྱིས་བསྐྱེད།། སྐད་ཅིག་གཅིག་ལ་རྫོགས་ཚུལ་ལམ།། བག་ཆགས་ཤུགས་སམ་མོས་པ་དང་།། ང་རྒྱལ་དག་གི་སྒོ་ནས་ཀྱང་།། མ་ཡེངས་པ་ཡི་སེམས་ཀྱིས་གཟུང་།། བཟླས
182b3 བརྗོད་བྱ་ཞིང་བསམ་གཏན་འཇུག། བཟླས་བརྗོད་བྱེད་པའི་ཚེ་ན་ཡང་།། ལྷ་ནི་མི་བསམ་མ་དམིགས་རུང་།། ལས་སམ་འབྲས་བུ་གང་དམིགས་ཀྱང་།། སྤྱིར་ན་དམིགས་པ་རྩེ་གཅིག་ལ།། འབད་པས་མཐུ་དང་བྱིན
182b4 རླབས་ཆེ།། སྤྱིར་ན་ལྷ་ཡི་དེ་ཁོ་ན།། ཉིད་ལས་འགྲུབ་པའི་ལྷ་ཡང་འགྲུབ།། དོན་དམ་སེམས་ཀྱི་ལྷ་དང་ནི།། ཀུན་རྫོབ་མཚན་མའི་ལྷ་ཉིད་ལ།། སེམས་དཔའ་བྱེ་བྲག་ལྷ་ཞེས་བྱ།། མིང་དུ་ལྷར་ནི་བཏགས་པ
182b5 ཡིན།། དམ་ཚིག་ཅན་གྱི་སྐྱེ་བོའི་ལྷ།། ཕྱག་རྒྱའི་མཚན་མ་ལྷར་གྲགས་པ།། བཏགས་པས་རྣམ་པ་དུ་མར་འཇུག། རྣམ་པར་སྨིན་པའི་ལུས་དབྱིབས་ཀྱིས། བྱེ་བྲག་དཔེ་ཕྱི་ཞེས་པ་དང་།། དེ་ཉིད་བདག་གི་ཆེན
182b6 པོའོ།། མཚན་མའི་གཟུགས་ཞེས་བཏགས་པ་དང་།། དེ་ཉིད་སྐྱེ་བོའི་བྱིན་རླབས་སོགས།། ནུས་མཐུ་ཅན་ཞེས་བཏགས་པ་དང་།། དེ་ཉིད་རྣམ་པར་སྨིན་པའི་གཟུགས།། བྱེ་བྲག་ཡེ་ཤེས་བྱིན་བརླབས་ཉིད།། དབྱེར
iiif viewer powered by OpenSeadragon
