| e-texts navigator |
| Wylie |
177b1 རྒྱུར་འགྱུར་རོ།། དེ་ལ་ཐུགས་ཀྱི་གསང་བ་ནི།། ཐུགས་ཀར་སེམས་དཔའ་རྡོ་རྗེ་བསྒོམ།། ཡེ་ཤེས་སེམས་དཔའ་བསྒོམ་པ་ནི།། དེ་ནི་ཐུགས་ཀྱི་མཚན་མ་ལ།། དེ་ཡི་དོན་ནི་བྱང་ཆུབ་སེམས།། ཆོས་ཀྱི་སྐུ་རུ་གནས་པ
177b2 ཡིས།། མཚན་མ་རྣམ་པར་བཅད་པ་ནི།། ཐུགས་ཀྱི་བདག་ཉིད་དེ་ཡིན་ཏེ།། དེ་ལྟར་གསལ་བ་གསུམ་དམིགས་པ། བསམ་གཏན་བྱ་བའི་ཡུལ་ཡིན་ནོ།། གསང་བ་གསུམ་གྱིས་ཐམས་ཅད་བསྡུས།། ཕྱག་རྒྱ་ཡོངས་སུ
177b3 དག་པ་ཡི།། ལྷ་རྣམས་དོན་དང་རྟགས་ཚུལ་བསྡུས།། བསམ་གཏན་ཡན་ལག་རྣམ་པ་ལྔ།། རྟོག་དཔྱོད་གཉིས་དང་དགའ་བདེ་གཉིས།། སེམས་ནི་རྩེ་གཅིག་པ་དང་ལྔ།། ཡན་ལག་ཚུལ་གྱིས་དམིགས་པར
177b4 བྱེད།། གསང་བ་གསུམ་གྱི་མཚན་ཉིད་ལ།། ཇི་ལྟ་བ་བཞིན་རྟོགས་པའི་བློ།། དེ་ལ་རྟོགས་ནས་སྐྱེ་བའོ།། དེ་ལ་སྤྱོད་པར་བྱེད་པ་ནི།། དེ་ཉིད་ལ་ནི་བློ་ཉིད་ཀྱིས།། ཡང་དང་ཡང་དུ་སྦྱོར་བྱ་ཞིང་།། དེ་ཡི་དོན་དང
177b5 བཅས་པ་ལ།། ཞིབ་ཏུ་དཔྱོད་པ་ཡང་ནས་ཡང་།། སྤྱོད་པར་བྱེད་ཅིང་འཇུག་པའོ།། དེ་ལ་དགའ་བར་བྱ་བ་ནི།། རྟོག་དཔྱོད་གཉིས་ཀྱི་བསམ་གཏན་ལས།། ཐོབ་པས་གསང་བ་གསུམ་པོ་ཡི།། འདྲ་སྣང་རྣམ་པར
177b6 འབྱུང་གྱུར་ཏེ།། དེའི་ཚེ་འདོད་པས་དབེན་གྱུར་པ།། སྔར་མ་མྱོང་བའི་དོན་ཉིད་ནི།། མྱོང་བས་ཐུན་མོང་མ་ཡིན་པའི།། དགའ་བ་རླབས་པོ་ཆེར་སྐྱེའོ།། དེ་ལ་བདེ་བ་བྱ་བ་ནི།། དེ་དབང་སེམས་བསྡུས་ཐོབ་པ
iiif viewer powered by OpenSeadragon
