| e-texts navigator |
| Wylie |
177a1 སྤང་།། སོ་སོར་སྤང་བ་སྡོམ་ལ་གནས་པ་ཞེས་བྱ་བའི་ཏིང་ངེ་འཛིན་ཏོ།། བསམ་གཏན་འབྲེལ་དང་ཡུལ་དུ་བཅས།། དམིགས་པར་བྱ་བའི་ཡན་ལག་ཅན།། བསམ་གཏན་གྱིས་ནི་འདོད་པ་དང་།། སྡིག
177a2 ཏོ་མི་དགེ་བ་ཡི་ཆོས།། དབེན་པ་དག་ལས་དེ་སྐྱེད་ཡིན།། འདི་ཡི་ཕྱིར་ན་དེའི་འོག་ཏུ།། བསམ་གཏན་བསྟན་པ་རིགས་པས་བཤད།། བསམ་གཏན་ཡུལ་ནི་སྐུ་གསུང་ཐུགས།། གསང་བ་གསུམ་ལ་ཡུལ་དུ་བྱ།། དེ་ལ
177a3 སྐུ་ཡི་གསང་བ་ནི།། ལྷ་ཡི་ཕྱག་རྒྱ་གཟུགས་ཀྱི་སྐུ།། ཁ་དོག་དབྱིབས་དང་གཡོ་བ་ཡི།། སྨིན་མ་མིག་དང་སོ་དང་མཆུ།། བཞིན་དང་ལུས་དང་ཡན་ལག་གིས།། པདྨ་དབང་ཆེན་དཔལ་གྱི་རྒྱ།། རང་དོན་ལས་རྣམས
177a4 གྲུབ་བྱེད་པའོ།། དེ་ནི་སྐུ་ཡི་ཚུལ་རྣམས་ཀྱི།། སྒོ་ནས་བསམ་གཏན་ཡུལ་དུ་དམིགས།། དེ་ལ་གསུང་གི་གསང་བ་ནི།། སྒྲ་དང་སྒྲ་མིན་རྣམ་བཅད་པ།། ང་རོ་སྦས་པ་རྡོ་རྗེའི་གསུང་།། ལྷ་ཡི་ཐུགས་ལ་ལྗགས་སྟེང
177a5 དུ།། ཆོས་ཀྱི་ཡི་གེ་ཁ་དོག་དང་།། དབྱིབས་ཀྱི་མཚན་མར་བསམ་པ་དང་།། དེ་ཡང་སྒྲ་དང་སྒྲ་དོན་གྱིས།། ཆོས་ཉིད་བརྟག་པ་བརྟག་ཅིང་དཔྱད།། བསམ་གཏན་ཐོབ་པའི་རྒྱུ་ཡིན་ཏེ།། སྒྲ་ལ་གནས་པའི་བསམ
177a6 གཏན་ནི།། རྣལ་འབྱོར་ཐོབ་པར་བྱ་བ་ཡིན།། སྒྲ་ཡི་མཐའ་ལ་གནས་པ་ནི།། བསམ་གཏན་ཐར་པ་སྟེར་བར་བྱེད།། ངག་གི་སྒྲ་གྲག་བྱེད་པ་ནི།། བསམ་གཏན་གཙོ་བོར་བཤད་པ་ཡིས།། སྐབས་འདིར་གཡེང་བའི
iiif viewer powered by OpenSeadragon
