| e-texts navigator |
| Wylie |
176b1 ལག་ཅེས་སུ་བསྟན་པ་ཡང་།། སོ་སོར་སྤང་དང་བསམ་གཏན་དང་།། དབུགས་དགག་སྟོང་དང་གཟུང་བ་དང་།། རྗེས་སུ་དྲན་དང་ཏིང་འཛིན་ནི།། སྦྱོར་བའི་ཡན་ལག་དྲུག་ཅེས་བྱ།། སོ་སོར་སྤོང་བ་སྡོམ་ལ
176b2 གནས།། དངོས་པོ་གཞན་དགག་སྤང་བར་བྱ།། དེ་ཡི་མིང་གྲངས་བཅས་པ་ནི།། སོ་སོར་སྤང་བ་ཞེས་སུ་འདོད།། དམ་ཚིག་སྡོམ་ལ་གནས་པ་ནི།། ཇི་ལྟར་ཚུལ་ཙམ་རྣམ་དག་པ།། འདོད་པའི་གཡེང་བ་མེད་བྱེད
176b3 ཅིང་།། འགྱོད་པའི་དྲི་མ་མེད་པ་ཡིས།། རྟག་ཏུ་དབང་པོ་སྡོམ་པའི་ཕྱིར།། ཏིང་འཛིན་ཐོབ་པའི་རྒྱུ་ཡིན་ལྟར།། སོ་སོར་སྤང་བ་ཞེས་བྱ་འདི།། ཡིད་དང་དབང་པོ་བསྒོམས་ནས་ནི།། རྣམ་པར་ཤེས་པ་སྐྱེ་བ
176b4 ཀུན།། ཐམས་ཅད་སྐྱོན་དུ་བྱས་ནས་ནི།། སྤང་བར་བྱ་བའང་མ་ཡིན་ལ།། དངོས་པོར་བལྟས་ཏེ་མཚན་མ་ཡི།། རྗེས་སུ་འབྲང་བའང་མ་ཡིན་ལ།། སྤྱོད་ཡུལ་ཅིར་སྣང་ཐམས་ཅད་ཀུན།། རྟག་ཏུ་རང་གི་ལྷ་ཉིད
176b5 དུ།། བདག་ཉིད་བལྟས་ཏེ་སྦྱང་བར་བྱ།། དང་པོར་གཞན་པ་ཀ་དག་གཉིས།། སྤང་བར་བྱ་བ་འདི་དག་ནི།། དབང་པོ་རང་བཞིན་གྱིས་བསྡམས་ཤིང་།། འདོད་པ་བཀག་པའི་གདུང་བས་ཀྱང་།། ཏིང་ངེ་འཛིན་ནི་མ
176b6 ཟིན་པ།། རྒྱལ་བའི་བྱིན་རླབས་ཉེ་འགྱུར་བས།། བསམ་གཏན་སྣོད་དུ་འགྱུར་བ་ཡིན།། འདི་ནི་སོ་སོར་སྤྱོད་ཅེས་བྱ།། དེ་ཕྱིར་བདེ་བ་ལོངས་སྤྱོད་དེ།། སོ་སོར་སྤང་བ་ཞེས་ཀྱང་བྱ།། འདོད་པའི་གཡེང་བར་གྱུར་པ
iiif viewer powered by OpenSeadragon
