| e-texts navigator |
| Wylie |
176a1 གསལ་བར་གྱུར་ཏོ།། པདྨ་དབང་ཆེན་གསང་བ་ཁྲོ་བོ་འདུས་པ།། པདྨ་གསང་བ་རྔོག་མ་ལེ་བརྒན་གྱི་རྒྱུད་ལས། ས་ལམ་རིམ་པར་ཕྱེ་བའི་ལེའུ་སྟེ་བཅུ་བཞི་པའོ།། ། དེ་ནས་དེ་བཞིན
176a2 གཤེགས་པ་ཐམས་ཅད་ཀྱིས་རྣལ་འབྱོར་པའི་ལམ་གྲུབ་པ་ལ་གནས་པ་འདི་གསུངས་སོ།། རྣམ་པར་སྨིན་པ་ཁྱུད་སེང་འདྲ།། ཚེ་ལ་དབང་བ་ཉི་ཟླ་འདྲ།། ཕྱག་རྒྱ་ཆེན་པོ་ལྷ་སྐུ་འདྲ།། ལྷུན་གྱིས་གྲུབ་པ་གཉིད་སད
176a3 འདྲ།། དང་པོ་སར་ནི་ཆུད་པ་དང་།། ས་ལ་གནས་པ་ཐོབ་པའོ།། ཉི་ཟླའི་ཚེ་དང་མཉམ་གྱུར་པས།། རང་གི་སྲོག་ལ་དབང་ཐོབ་འགྱུར།། རང་གི་ཡི་དམ་གསལ་གྱུར་པ།། རྩ་དང་ཡི་གེ་བདུད་རྩི་རླུང་།། རྣམ་པར
176a4 གནས་པ་ཆོས་ཀྱི་ཉི།། ལེགས་པར་སད་པས་ལུས་འཛིན་འགྱུར།། ཐོས་བསམ་བསྒོམ་ལ་རབ་གནས་པ།། ལྟ་བ་ཏིང་འཛིན་དབང་ན་གསལ།། སྤྲུལ་པའི་སྐུ་ལས་ཆོས་ཀྱང་ཉན།། ལྷ་མིའི་ལུས་སུ་གནས་པར
176a5 སྟོན།། ལོངས་སྤྱོད་སྐུ་ཡི་འཁོར་འདུས་པས།། གསང་བ་རྒྱུད་ཀྱི་འགྲོ་བ་མཛད།། ཆོས་ཀྱི་སྐུ་ལ་རབ་གནས་པས།། མྱོང་ལ་མ་རེག་རྒྱལ་བ་དྲུག། ཅེས་གསུངས་སོ།། དབང་ཆེན་བདེ་གཤེགས་སྤྱི་དྲིལ་པདྨ་དབང་ཆེན
176a6 གསང་བ་རྡོག་མ་ལེ་བརྒན་གྱི་རྒྱུད་ལས། རིག་འཛིན་གྱི་ལེའུ་སྟེ་བཅོ་ལྔ་པའོ།། །། དེ་ནས་ཁྲོ་རྒྱལ་རྟ་མགྲིན་ནི།། ཏིང་འཛིན་སྙོམས་ཞུགས་འདི་གསུངས་སོ།། སེམས་ཀྱི་རྣལ་འབྱོར་ཐོབ་པ་ཡིས།། ཡན
iiif viewer powered by OpenSeadragon
