| e-texts navigator |
| Wylie |
175b1 རླུང་རླུང་གི་རླུང་།། སྦྱོར་ལམ་དྲོད་དང་རྩེ་མོ་ལ།། དྲོད་ནི་ཆུང་ངུ་འབྲིང་དང་ཆེ།། རྩེ་མོ་ཕྱི་ནང་རྣམ་པ་གཉིས།། དབང་པོ་ལྔ་ནི་རྩ་བའི་རླུང་།། གྱེན་རྒྱུ་མཐུར་སེལ་མེ་དང་མཉམ།། སྲོག་འཛིན་ཁྱབ་པར་བྱེད་པའི
175b2 རླུང་།། གཟོད་ཅིག་དབུ་མར་རླུང་སེམས་འདུས།། ཆོས་མཆོག་འཁོར་འདས་ཚོགས་གཉིས་རྫོགས།། སྟོབས་ལྔ་ཡན་ལག་རླུང་ལྔ་ཉིད།། རྒྱུ་བ་རབ་ཏུ་རྒྱུ་བ་དང་།། མངོན་པར་རྒྱུ་དང་ཡང་དག་རྒྱུ།། ཤིན་ཏུ་རྒྱུ་བ་རྣམ
175b3 ལྔ་ཡིན།། དེ་ནས་འཇིག་རྟེན་འདས་པའི་ལམ།། མཐོང་བསྒོམ་མཐར་ཕྱིན་རྣམ་པ་གསུམ།། འཁོར་ལོ་བཞི་དང་སྲོག་ཤིང་གསུམ།། བྱང་ཆུབ་ཡན་ལག་བདུན་དུ་རིགས།། བསྒོམ་ལམ་རྣམ་ཤེས་ཚོགས་བརྒྱད
175b4 པོ།། ཀུན་གཞི་ཡིད་དང་ཉོན་མོངས་ཡིད།། མིག་དང་སྣ་དང་རྣ་བ་ལྕེ།། ལུས་ཀྱི་རྣམ་པར་ཤེས་པ་ཉིད།། མཐར་ལམ་རྩ་དང་ཡི་གེ་དང་།། བདུད་རྩི་རླུང་གི་འགྲོས་བཞིར་ཐིམ།། དང་པོ་གཉིས་པ་གསུམ་པ
175b5 དང་།། བཞི་པ་ལྔ་པ་དྲུག་པ་དང་།། བདུན་པ་བརྒྱད་པ་དགུ་པ་དང་།། བཅུ་པ་བཅུ་གཅིག་བཅུ་གཉིས་ལ།། བཅུ་གསུམ་བགྲོད་པའི་ས་རྣམས་ནི།། ཕྱི་རྟགས་བདུད་འདུལ་དྲལ་བ་དང་།། ནང་བརྟགས་ཕྱི་ནང་རླུང
175b6 འགགས་པས།། དེ་ཁོ་ན་ཉིད་རྟགས་རྣམས་འཆར།། མཐོང་དང་འགྱེད་དང་འབྱེད་འཆད་སྟོན།། རྫུ་འཕྲུལ་ས་ལ་རིམ་པར་འགྱུར།། ཞེས་གསུངས་པས།། ལམ་ལྔ་ས་བཅུ་རྫོགས་པ་རྣམས།། འཇིག་རྟེན་དྲུག་ཏུ
iiif viewer powered by OpenSeadragon
