| e-texts navigator |
| Wylie |
166a1 བེ་པར་འགྱུར།། བགེགས་རྣམས་བསད་ཅིང་བསྲུང་འགྱུར་རོ།། མཚོན་ཆ་བསྲུང་བར་བྱ་བ་ཡང་།། ཤིང་ཤུན་འཁོར་ལོ་སྔགས་དང་བཅས།། རྒྱབ་ཏུ་ཡི་གེ་བཙོག་མས་བསྲུང་།། ཡུལ་ཁམས་ཐུན
166a2 སྔགས་བསྙེན་པ་དང་།། གཏའ་ནི་བསྡམ་པར་བྱ་བ་དང་།། སྤྲིན་ཕུང་གཏོར་ནས་འབྲུག་ཀྱང་གཞི་ལ།། ཀླུ་ལ་དམ་ཚིག་བཅོལ་བ་དང་།། ཐང་ལ་ཕབ་ནས་རི་ལ་བསྐྱོན།། བདག་གི་ཐོག་ལྷུང་གཞན་དུ་བཟློག། ལམ
166a3 ནི་བསྟན་པར་བྱ་བ་དང་།། དབུས་ནས་གཏའ་བསྡམས་གཏོར་ཕུད་གཟུག། སྲ་འབེབས་མཎྜལ་བྱ་བ་དང་།། པྲ་བརྟན་ཆས་སུ་གཞུག་པར་བྱ།། མཆོད་པས་དོན་རྣམས་འགྲུབ་པ་དང་།། སྔགས་ཀྱི་བཟླས་པས་དབབ
166a4 པ་དང་།། ཉལ་ནས་རྨི་ལམ་སྟོན་པ་དང་།། རྟག་ཏུ་བརྩོན་པར་བྱ་བའོ།། ཤ་ཟ་མོ་བསྒྲུབ་བྱ་བ་དང་།། གཙང་མར་ལེགས་པར་གནས་པ་དང་།། མཚན་མོ་ཉལ་ནས་བརྟག་པ་དང་།། གཡོ་འགུལ་སྔགས་དང་ཆུ་ལ
166a5 དབབ།། གཞན་ལ་དབབ་པར་བྱ་བའོ།། དེ་ནས་པདྨ་གར་གྱི་དབང་།། གདོད་ནས་ལས་ཀྱི་རྣམ་པར་སྨིན།། འབྱུང་བའི་རྐྱེན་དང་གདོན་གྱིས་གཙེས།། སྔོན་དུ་ལས་ཀྱིས་མི་འབྲེལ་བ།། རང་གི་བུ་བསད་རྣམ་སྨིན
166a6 འཕོག། གཞན་གྱི་ཆུང་འཚེ་ནད་དཀྲུག་དང་།། སེམས་ཅན་ཀུན་གྱི་བུ་ལ་ཡང་།། གནོད་པ་བྱས་པས་དེ་མི་ཕྲད།། ཕོ་མོ་མ་ནིང་རིགས་ཅན་དང་།། ལས་དང་བསོད་ནམས་མ་འབྲེལ་བས།། བུ་དང་བུ་མོ་ཆུ་ངུར
iiif viewer powered by OpenSeadragon
