| e-texts navigator |
| Wylie |
165b1 དང་།། མུ་ཟི་ཚིལ་ཆེན་རྒྱ་ཚིལ་དང་།། ར་རུའི་གཞོབ་དང་ཅོད་ཞིའི་ཐལ།། སྒོག་སྐམས་ཚྭ་དང་པ་ཡག་དང་།། དུད་པ་དམར་ནག་བྱུག་པར་བྱ།། སྨན་གྱི་དམ་ཚིག་བསྟན་པ་ནི།། ཚྭ་དང་བུད་མེད་རུལ་སུམ་སྦྱར།། སྔོ
165b2 དང་སྒོག་ཕྱོགས་ཆགས་པ་སྤངས།། མེ་ཉི་ལུས་ངག་རྩོལ་བ་སྤང་།། འཕྱགས་སུ་མི་གཞུག་སྦྲང་རྩི་བསྟེན།། སྤྱོད་ལམ་དམ་ཚིག་བསྲུང་བ་གཅེས།། དེ་ནས་རིལ་བུའི་ཚོད་བཟུང་སྟེ།། རིལ་བུ་དགུ་ལས་མང་དུ
165b3 གཏང་།། བདེའམ་མི་བདེ་བརྟག་པར་བྱེད།། ཡང་ན་གཅིག་ལ་བལྟ་བ་དང་།། ཡར་བསྣོན་མར་འཕྲི་ཚོད་གཟུང་བྱ།། ཞེས་གསུངས་སོ།། པདྨ་གསང་བ་བཀོད་པ་རྡོག་མ་ལེ་བརྒན་གྱི་རྒྱུད་ལས། ཀླུ་གཉེན་ས་བདག
165b4 གསོ་བའི་ལེའུ་སྟེ་བཅུ་གཉིས་པའོ།། ། དེ་ནས་དབང་ཆེན་པདྨ་ཡིས།། སྲིའུ་གསོ་དང་མཚོན་ཆ་བསྲུང་།། ཡུལ་ཁམས་བསྲུང་དང་པྲ་དབབ་དང་།། ཆར་པ་དབབ་པར་བྱ་བ་དང་།། སྲོག་ལ་བར་བུ་བསྐོར་བ
165b5 དང་།། གདུག་པ་ཀླུ་ལ་གཏད་པ་དང་།། ཐོག་དང་སེར་བས་ཡུལ་མཁར་འཇོམས།། འགྲོ་བ་དབང་སྡུད་འབྱོར་པ་འཕེལ།། ལྷ་སྲིན་གདུག་པ་ནད་བཟློག་བསྲུང་།། ངོ་མཚར་སྤྲུལ་པའི་རོལ་མོ་བཤད།། སྲི་བུ་གསོ
165b6 བར་གསུངས་པ་ཡང་།། སྔགས་དང་རྫས་ཀྱིས་སྐྱེ་བ་དང་།། མོ་གཤམ་དག་ཏུ་མི་འགྱུར་དང་།། བུས་པ་ཆགས་པར་གྱུར་པ་དང་།། ལྟེ་བ་བསྒྱུར་བར་བྱ་བྱེད་རྣམས།། སྦྲུམ་མ་བུ་ནི་མི་འཆོར་ཏེ།། བཅིང་གྲོལ་ལམ་ནི
iiif viewer powered by OpenSeadragon
