| e-texts navigator |
| Wylie |
164b1 སྣར་བརྔུབ་དྲུག་སྦྱོར་ནི།། ཡོན་ཏན་ཐམས་ཅད་མཐུན་པར་བཤད།། རིལ་བུ་ལོ་དུས་བསྟེན་པ་ཡིས།། མ་སོས་རུས་ལ་ཞུགས་པ་ཡིན།། སྔོན་འགྲོ་རྩ་བཤལ་གཏང་བར་བྱ།། དངོས་གཞི་རུས་སྦལ་ཕོ་མོའི་རུས།། རུ
164b2 རྟ་ཕག་རྒོད་མཆེ་བ་དང་།། རྨ་བྱའི་སྒོ་དང་གི་ཧང་སྔགས།། གླ་རྩིའི་ཆུ་ལ་རིལ་བུ་བྱ།། ཁྱེ་སུས་རེ་རེ་ཟ་བར་བྱ།། བདུད་རྩི་རིལ་བུ་ཟ་ཞིང་བསྲུང་།། རིལ་བུ་ཡུན་རིང་བསྟེན་བྱས་ཀྱང་།། ལུས་ཀྱི་ནད་རོ་མ་ཐོན
164b3 ན།། ནད་དང་གདོན་གྱི་རོ་འདོན་པ།། བྱང་བ་སུམ་ཅུ་བཏུལ་བྱས་ནས། རྒྱ་ཚྭ་ལུག་གི་རིལ་གྱི་ཚད།། སུག་སྨེ་ཐུན་གཉིས་མཚམ་དཀར་དང་།། ཚྭ་ལ་ཐུན་ནི་རེ་རེ་ལ།། གུ་གུལ་ནག་པོ་མཐེབ་རྡོག་ཙམ།། སྡིག་པ
164b4 སྲིན་པོ་ཐུན་རེ་ཡིན།། ཟླ་གསུམ་ནང་རེ་ནས་ཕྱེད་སྨན།། རང་གི་དྲི་ཆུ་བར་བས་འཕུལ།། ཚོད་དང་སྦྱར་ལ་ཐུན་བསྐྱེད་དེ།། ཟས་ངན་མི་ཟ་བསྲུང་བར་བྱ།། སྨན་སྦྱོར་རང་ཉམས་ཚོད་དང་བསྟུན།། འདི་ལ་སྔོན་འགྲོ
164b5 རྗེས་གཅོད་མེད།། ནད་དང་གདོན་རོ་རྩ་ལམ་འདོན།། ན་ཚ་ཡོད་པའི་ཤ་རོ་ལའོ།། ན་ཚ་མེད་པའི་ཤ་རོ་ལ།། དེ་ལ་སྨན་གྱིས་བྱུག་པར་བྱ།། ཁབ་ཀྱི་ས་གཅགས་ལ་ཁ་ཕྲུ་གདབ།། དེ་གཉིས་བྱུག་རྫས་རྒྱ
164b6 དང་།། རྒྱམ་ཚྭ་རུ་རྟ་བྱི་ཏང་ཀ། གུ་གུལ་དཀར་ནག་ཁ་རུ་ཚྭ།། མུ་ཟི་དཀར་ནག་བཙན་དུག་དང་།། རྒྱ་ཚིལ་ཐར་ནུ་གླ་རྩི་དང་།། ནུས་པ་ཅན་གྱི་དྲི་ཆེན་རྣམས།། དང་པོར་བསྙམས་ལ་ལྡེ་གུར་བྱ།། དྲི་ཆུས་བསྐུས་ལ
iiif viewer powered by OpenSeadragon
