| e-texts navigator |
| Wylie |
163a1 སྨིན་ལས།། གསོ་རུ་མི་རུང་སྤང་བར་བྱ།། ཞེས་གསུངས་སོ།། དབང་ཆེན་བདེ་གཤེགས་སྤྱི་དྲིལ་རྔོག་མ་ལེབ་རྒན་གྱི་རྒྱུད་ལས། གདུག་པ་གསུམ་གྱི་གནོད་པ་བརྟག་པ་སྟེ་ལེའུ་བཅུ་གཅིག
163a2 པའོ།། །། དེ་ནས་བཅོམ་ལྡན་འདས་ཀྱིས་མཛེ་ནད་གསོ་བ་འདི་གསུངས་སོ།། དང་པོར་བརྟག་པར་བྱ་བའི་རྫས།། མུ་ཟི་གླ་རྩི་ཤུ་དག་ནག། གུ་གུལ་དཀར་ནག་ལྔ་སྙོམས་ཏེ།། གྲིབ་བསྐམས་བསྲུབས་མ་དེ
163a3 རྣམས་ཆ།། རྒྱ་ཚ་རིལ་མ་ཙམ་དང་བཅས།། སྣོད་གཙང་དྲི་ཆུ་བར་མར་སྤང་།། དྲི་ཆུ་འཁོར་མི་སྨན་ཆུ་འཐུང་།། ཁྲག་དང་ཆུ་སེར་ཆུ་ངན་གྱི།། མདོག་ལ་བརྟག་པ་མན་ངག་ཡིན།། ཡང་ནི་ཤུ་དག་དཀར་ནག
163a4 གཉིས།། གླ་རྩི་མུ་ཟི་ཁྲལ་ཁྲོལ་རྣམས།། བདུན་ཕུལ་ཆུ་ནང་ཁུ་བ་འདོན།། ལྟོ་སྟོང་བཏང་ལ་ཞག་གཉིས་བརྟག། སྦྲིད་དང་ན་ཚ་མེད་པར་བརྟག། ཡང་ན་རུ་རྟ་དན་རོག་པ།། གཉིས་དང་གསུམ་ནི་ཆང་དུ་བླུག། གྲུབ
163a5 གཞུག་བཏང་ལ་གོས་དྲོད་ཉལ།། ཚ་གྲང་ནད་བཞི་གང་ཡིན་བརྟག། མཛེ་ནད་ཚབས་ཆུང་ཆུ་སེར་ནི།། མ་རྒྱས་པ་ལ་ལྟོ་བཤལ་བྱ།། བྱུག་པ་སྤང་མའི་ཟན་བསྟེན་ལ། ཨ་བར་གཉིས་དང་དན་རོག
163a6 གསུམ།། ཤུ་དག་ནག་པོ་ལྡུམ་རྩ་བསྙམ།། གུ་གུལ་དཀར་ནག་ཞིབ་བཏགས་ལ།། མ་ནུའི་ཟང་གིས་འཕུལ་ལ་གཏང་།། མནན་གཞེལ་ལྕག་དང་དབྱུང་བ་དང་།། རྗེས་གཅོད་བྱས་ལ་ལྟོ་སྦྱང་ངོ་།། མཛེ་ནད་ཚབས་ཆེ
iiif viewer powered by OpenSeadragon
