| e-texts navigator |
| Wylie |
157b1 རྒྱབ་ན་ཞིང་སྙིང་ཡང་ན།། རོ་སྟོད་བརྒྱངས་ཤིང་རོ་སྨད་འབྱར།། ཚིགས་རྣམས་འཁོལ་ཞིང་རྐང་ལག་ཕྲ།། སྡོང་ཟླ་ཡུལ་ལྷ་མགོན་ཀླུ་དང་།། ཀླུ་མོ་དཀར་མོ་བསྡེངས་ནས་གནོད།། གནོད་པ་ཕུང་ཁར་རྙིང་པ
157b2 དང་།། ལྷ་ཁང་མཆོད་རྟེན་རྒྱ་གྲམ་ལམ།། བནྡེ་གདུང་ཆད་སྲུང་མ་གནོད།། རྟེན་ནི་མི་གཙང་ཐབ་གཞོབ་དང་།། འཐབ་མོ་དམེ་དང་མཁོན་ལས་ལངས།། རྨི་ལམ་གཡང་སར་ཕྱིན་པ་དང་།། ཁང་ཟམ་འགྲིམས་ཤིང
157b3 ལྷུང་བ་དང་།། ཁང་ཁྱིམ་དུད་པས་ཁེངས་པ་རྨི།། ཟིན་ནས་ལོ་གཅིག་ལོན་དུས་ན།། བདག་གཞན་གཉིས་ཀས་ཚོར་བ་དེ།། གཉིས་ན་སོས་ཏེ་ལོ་གསུམ་ན།། མཛེ་ཤུར་འགྲོ་བས་གསོ་མི་བྱ།། འབྱུང་ལྔ་འཁོར་ལོའི
157b4 འཇུག་པ་ནི།། སྦུབས་ཁ་རླུང་ལ་དམངས་རིགས་འཇུག། ལྟེ་བ་མེ་འཁོར་རྡོ་རིགས་འཇུག། རྒྱངས་པ་ས་འཁོར་རྒྱལ་རིགས་འཇུག། ཀླད་པ་ཆུ་འཁོར་བྲམ་ཟེ་འཇུག། གདོལ་བ་དེ་རྣམས་ཀུན་ལའོ།། ཤ་ནད་ཐེབ་པ
157b5 བཟང་ངན་ནི།། དཔྲལ་ཤ་འཛུམ་འདུས་བྲམ་ཟེས་ངན།། སོག་ཤ་དབྱིངས་འདུས་རྒྱལ་རིགས་ངན།། ལག་གཉིས་བཅུད་འདུས་རྗེ་རིགས་ངན།། སྣག་ཆེན་བྲང་འདུས་དམངས་རིགས་ངན།། ཆུ་བར་ཐེབ་པ་བཟང
157b6 ངན་ནི།། ལྟག་ཆུ་གནང་འདུས་བྲམ་ཟེ་ངན།། སྒྱིད་ཁུང་བཞི་འདུས་རྒྱལ་རིགས་ངན།། མཐེབ་ཆུང་ཟུར་རྩེ་རྗེ་རིགས་ངན།། རྟིང་ཆུ་ཁར་འདུས་དམངས་རིགས་ངན།། ཉ་གནད་ཐེབས་པ་བཟང་ངན་ནི།། བྱིན་པའི་ཉ
iiif viewer powered by OpenSeadragon
