| e-texts navigator |
| Wylie |
156a1 ཀུན་དགའ་དབང་དུ་འགྱུར།། སྐར་མ་རྒྱལ་ལ་པདྨ་ནི།། དཀར་པོ་ཀུནྡའི་དྲེགས་པ་ལ།། བརྒྱ་རྩ་བརྒྱད་སྔགས་མིག་བསྐུས་ན།། བུད་མེད་ཐམས་ཅད་ཡིད་འཕྲོག་བྱེད།། འདྲེས་མ་སྲན་མའི་མེ་ཏོག
156a2 ནི།། ཙནྡན་དཀར་པོའི་ཆུར་སྤངས་ནས།། སྐར་མ་རྒྱལ་ལ་བརྒྱ་རྩ་བརྒྱད།། སྔགས་ལ་ཐིག་ལེ་བྱས་པ་ན།། རྒྱལ་པོ་ལ་སོགས་དབང་དུ་སྡུད།། བ་ཤ་ཀའི་སྔགས་མཐར་སྦྱར།། ཨོཾ་པདྨ་ནྱ་ཀྲྀཏ། མོ་ཧ་ག་ཡ། ཨན་དྷ
156a3 ཡ། སང་ཀུ་ཡ། ཨུཙྪ་ཏ་ཡ། བྷེ་ཏེ་ཤ་ཡ། མཱ་ར་ཡ།། ཛི་ཝ་ཙིཏྟ་རྦད། ལིངྒ་གཏུབ་ནས་བསྲེག་བྱས་ན།། གང་ལ་དམིགས་པ་གསོད་པར་བྱེད།། དྲག་པོའི་ལས་རྣམས་འགྲུབ་པར་བྱེད། མཐར་ནི་ཨ་བྷི་ཙརྱ་སྦྱར།། ཨཽ
156a4 པདྨ་ན་ཀྲྀ་ཏ་ཤཱིནྟཾ། ཧ་ཡ་གྲཱྀ་ཝ་ཕུཥྚ་ཀ། པདྨ་པདྨ་བ་ཤཾ་བ་ཤཾ་ཀཾ་པདྨ་ཀྲོ་དྷ་ཨ་བྷི་ཙ་རྱཿསརྦ་སིདྡྷ་ཧཱུཾ་ཕཊ་སྭཱ་ཧཱ། བདུན་ནམ་ཉི་ཤུ་རྩ་གཅིག་གམ།། བརྒྱ་རྩ་བརྒྱད་དུ་བཟླས་བྱས་ན།། ལྷུན་གྱིས་གྲུབ་པའི་ཕྲིན་ལས
156a5 འགྲུབ།། ཡང་གསང་པདྨ་ཆེན་པོ་བཤད།། ཕྲིན་ལས་འདི་དག་རིམ་པ་ཡང་།། སྔགས་ནི་ཐམས་ཅད་ཉིད་ན་ཡང་།། ཚར་གཅོད་པ་དང་རྗེས་གཟུང་ཕྱིར།། དང་པོས་དྲག་ལ་གཉིས་པས་དབང་།། རྗེས་བཟུང་རྒྱས་དང
156a6 ཞི་བ་ནི།། ཕྲིན་ལས་ཀུན་གྱི་རིམ་པར་གསུངས།། དབང་ཆེན་བདེ་གཤེགས་སྤྱི་དྲིལ་རྫོག་མ་ལེ་བརྒན་གྱི་རྒྱུད་ལས། ཕྲིན་ལས་བཞི་ལྷུན་གྱིས་གྲུབ་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་ཀྱིས
iiif viewer powered by OpenSeadragon
