| e-texts navigator |
| Wylie |
155b1 ཧུ་ལུ། ཏ་ཏྲེ་ཝ་གཙྪ་ཧུ་ལུ་ཧུ་ལུ་སྭཱ་ཧཱ། སྔགས་ཀྱི་རྒྱལ་པོ་འདི་ཡིས་ནི།། འཐབ་མོ་ཁ་ངན་རྒྱ་འདྲེ་དང་།། གདོན་ལྷས་འཇིགས་འབྱུང་ཐམས་ཅད་ཞི།། མེ་ཏོག་གང་རྙེད་སྔགས་བཟླས་ཏེ།། ཆུ་ཡི་རྒྱུན་ལ་བསྐུར་བ
155b2 ན།། ཐམས་ཅད་ཞི་བར་གདོན་མི་ཟ།། གྲོང་ཁྱེར་ཚིག་པར་གྱུར་པ་ན།། མེ་ལ་ཁ་བལྟས་ཆུ་སྙིམ་པ་བདུན།། སྔགས་ཏེ་གཏོར་ན་མེ་ཚིག་ཐར།། རྐང་གཉིས་རྐང་བཞིའི་འཆི་བ་ལ།། འབྲས་བུའི་ཕུབ་མས་སྦྱིན་སྲེག
155b3 བྱ།། འཆི་བ་ལས་ནི་ཞི་བར་འགྱུར།། མཐར་ནི་ཤཱནྟི་ཀ་ཞེས་སྦྱར།། ཐམས་ཅད་ཞི་བའི་གསང་སྔགས་སོ།། ཨོཾ་ཨ་མ་ར་ཎི་ཛཱི་བནྟི་སྭཱ་ཧཱ།། སྔགས་ཀྱི་རྒྱལ་པོ་འདི་ལ་ནི།། བཟླས་ན་ནད་རྣམས་མེད་པ་དང་།། འདི་ལ
155b4 རྟག་ཏུ་བཟླས་པ་ན།། ཚེ་ཟད་པ་ཡང་རྒྱལ་བར་འགྱུར།། ཏིལ་མར་སྦྱིན་སྲེག་བྱས་པ་ན།། ནད་རྣམས་འབྱིན་ཅིང་ཞི་གྱུར་ནས།། ཚེ་དང་དབང་ཐང་རྒྱས་པར་བྱེད།། པུཥྤ་ཀའི་སྔགས་མཐར་སྦྱར།། ཨོཾ་ཀ་སྔགས་སོར་བཞག
155b5 ཤེ་ཀུ་ཤེས་ནད་ཏཾ་ཤུ་བྱ་ཝཥྨ་ནི། མ་མ་ཏད་ཐ་ཏ། ས་ན་དང་ཡ་ཧ། པླན་སེ་ཝེ་བད་ཛིན་སྭཱ་ཧ།། མིག་འགུལ་ཞི་ནས་གང་མཐོང་བ།། དགའ་ཞིང་རྒྱས་པར་གྱུར་པ་སྟེ།། གང་ལ་ཡིད་ཀྱིས་དམིགས་བཟླས
155b6 ན།། ཐམས་ཅད་བདག་དག་རྒྱས་པར་འགྱུར།། ཨོཾ་སོར་བཞག་ཛཾ་བྷེ་མུ་ཧེ་ད་ཡ་མ་ཝ་ཏི་ན་ཧཱུཾ་སྭཱ་ཧཱ།། སྔགས་ཀྱི་རྒྱལ་པོ་འདི་ཡིས་ནི།། ཐོ་རངས་དུས་ན་ལན་བདུན་དུ།། ཆུ་ལ་སྔགས་ནས་གདོང་བཀྲུས་ན།། འགྲོ་བ
iiif viewer powered by OpenSeadragon
