| e-texts navigator |
| Wylie |
154a1 སྙིང་རྗེ་བས།། གཉེན་བཤེས་རྣམས་ལ་དགའ་བར་བྱ།། དམུ་རྒོད་ཅན་ལ་བཏང་སྙོམས་ཉིད།། ཐམས་ཅད་ཚང་ན་ལྷུན་གྱིས་གྲུབ།། དགུན་དང་དཔྱིད་དང་དབྱར་དང་སྟོན།། ཕྲིན་ལས་བཞི་དང་ལྡན
154a2 གྱིས་གྲུབ།། ས་ཡི་རླུང་དང་ཆུ་ཡི་རླུང་།། མེ་ཡི་རླུང་དང་རླུང་གི་རླུང་།། ལས་བཞི་སོ་སོར་རྒྱུ་བ་དང་།། ལྷུན་གྱིས་གྲུབ་པར་གནས་པ་ཡིན།། མེ་ཏོག་དཀར་སེར་དམར་དང་ནག། དུ་བ་འཁོར་ལོ་རིན་ཆེན་པད།། རལ
154a3 གྲི་རྒྱ་གྲམ་འབར་བ་ནི།། ལས་བཞི་གྲུབ་དང་ལྷུན་གྱིས་གྲུབ།། སྔ་དྲོ་ཕྱི་དྲོ་གོང་མ་གཉིས།། ཕྱི་དྲོ་ཕྱི་དྲོ་འོག་མ་གཉིས།། དགོང་དང་སྲོད་དང་ཐོ་རངས་ལངས།། ལས་བཞི་ལྷུན་གྱིས་གྲུབ་པར་བྱ།། གཏི་མུག་ང་རྒྱལ
154a4 འདོད་ཆགས་དང་།། ཞེ་སྡང་ཉོན་མོངས་ཐམས་ཅད་ཀྱང་།། ལས་བཞི་དང་ནི་ལྷུན་གྱིས་གྲུབ།། ཡེ་ནས་བྱས་པ་མེད་པར་གནས།། དགྲ་བགེགས་ལ་སོགས་ཞི་བ་དང་།། དཔལ་དང་འབྱོར་པ་རྒྱས་པ་དང་།། ཡུལ
154a5 ཁམས་ཕོ་མོ་དབང་འདུས་དང་།། དགྲ་བགེགས་བཅོམ་དང་གནས་སུ་ཤིས།། ཐམས་ཅད་ཚང་བར་ལྷུན་གྲུབ་ནས།། ཕྲིན་ལས་བརྩམ་པའི་དགོས་པ་གསུངས།། ཡོན་ཏན་ལས་བཟློག་སྐྱོན་དུ་འགྱུར།། མེ་ལོང་ལྷོ
154a6 རྒྱབ་ལོག་པ་བཞིན།། ཤར་ན་ལུས་འཕགས་ཟླ་གམ་དབྱིབས།། རླུང་གི་དཀྱིལ་འཁོར་གྲུ་བཞི་འདེགས།། ལྷོ་ན་འཛམ་གླིང་སོག་ཁའི་དབྱིབས།། གྲུ་གསུམ་མེ་ནི་ཀུན་ལ་སྙོམས།། ནུབ་ན་བ་གླང་ཟླུམ་པོ་ཆུ།། ཕྱི་ཡི
iiif viewer powered by OpenSeadragon
