| e-texts navigator |
| Wylie |
152b1 མགྲིན།། མཐར་བྱེད་ཆེན་པོ་དཔལ་གྱི་དཔལ།། ལས་བཞིའི་སྦྱིན་སྲེག་རབ་ཏུ་གསུངས།། དཀྱིལ་འཁོར་ཟླུམ་ཞིང་དཀར་བ་ལ།། འཁོར་ལོས་རབ་ཏུ་བརྒྱན་པར་བྱ།། གྲུ་བཞི་གསེར་གྱི་མདོག་ཅན་ལ།། རིན་ཆེན
152b2 འབར་བས་འཚོན་པར་བྱ།། ཟླ་གམ་དམར་པོ་གྱུར་པ་ལ།། པདྨ་ལྕགས་སྒྲོག་བྲི་བར་བྱ།། གྲུ་གསུམ་ཁ་དོག་ནག་པོ་ལ།། རལ་གྲི་མཚོན་ཆ་སྣ་ཚོགས་བརྒྱན།། གྲུ་གསུམ་ཟླ་གམ་ཟླུམ་པོ་ལ།། གྲུ་བཞི་རྒྱས་པ་ལྷུན
152b3 གྱིས་གྲུབ།། བ་ལུ་དང་ནི་གླང་མ་དང་།། འོམ་བུ་ཤུགས་པ་ཞི་བའི་ཤིང་།། སྐྱེར་པ་དང་ནི་གླ་བའི་ཤིང་།། སེང་ལྡེང་རྒྱས་པའི་ཧོམ་དུ་བྱ།། སེང་ལྡེང་དང་ནི་མཛོ་མོ་ཤིང་།། ཁ་དོག་དམར་བ་དབང་གི་ཧོམ།། ཤེལ
152b4 ཤིང་ནག་པོ་དྲི་ཅན་དང་།། ཨ་ཀ་རུ་ནི་དྲག་པོའི་ཤིང་།། ཐམས་ཅད་ཚང་བར་གྱུར་པ་ན།། ལྷུན་གྱིས་གྲུབ་པའི་ཤིང་ཞེས་བྱ།། འབྲས་ཆན་ནས་དཀར་ཏིལ་དཀར་དང་།། འོ་མ་ཞོ་ཡི་གཏོར་མ་ཞི།། བྲ་བོའི་ཟན་དང
152b5 ཁུར་བ་དང་།། བ་སེར་འོ་མའི་གཏོར་མ་རྒྱས།། རམ་བུའི་ཟན་དང་ནས་དམར་དང་།། བ་དམར་འོ་མས་གཏོར་མ་དབང་།། ཤ་དང་ཁྲག་དང་དུག་དང་ནི།། ཏིལ་ནག་གཏོར་མ་དྲག་པོ་ལ།། ཐམས་ཅད་མ་ལུས་ཚང
152b6 བ་ནི།། ལྷུན་གྱིས་གྲུབ་པའི་གཏོར་མ་ཡིན།། དངུལ་ལམ་དཀར་པོའི་ཤིང་རྣམས་ལ།། ཞི་བའི་ཕུར་བུ་ཟླུམ་པོ་བྱ།། གསེར་རམ་ར་གན་སེར་པོའི་ཤིང་།། རྒྱས་པའི་ཕུར་པ་གྲུ་བཞི་བྱ།། ཟངས་སམ་དམར་པོའི་ཤིང
iiif viewer powered by OpenSeadragon
