| e-texts navigator |
| Wylie |
149a1 ལས་མཛད་ལ་ཕྱག་འཚལ་བསྟོད།། ལྷ་མཆོག་ཁྱོད་ལ་བདག་གིས་བསྟོད་པ་ཡིས།། སེམས་ལ་ཉམས་ཀྱི་སྣང་བ་ནང་དུ་འཆར།། ལུས་ལ་གར་གྱི་སྣང་བ་ཕྱི་རུ་འཆར།། ངག་ལ་སྔགས་ཀྱི་སྣང་བ་འཆར
149a2 བར་བྱེད།། ཡུལ་ལ་མཐོང་སྣང་སྣང་བ་འཆར་བ་དང་།། བག་ཆགས་རྨི་ལམ་སྣང་བ་རྨི་བར་མཛོད།། ཅེས་ཕྱིས་འབྱུང་བའི་རྣལ་འབྱོར་པ་ལ་མཆོད་ཅིང་བསྟོད་པ་ལུང་བསྟན་པ་ཞེས་བྱ་བའི་ཏིང་ངེ་འཛིན་ཏོ།། དབང
149a3 ཆེན་རྟ་མགྲིན་བདེ་གཤེགས་འདུས་པ་པདྨ་གསང་བ་བཀོད་པ་རྔོག་མ་ལེབ་རྒན་གྱི་རྒུད་ལས། མཆོད་བསྟོད་ཀྱི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས་གསུངས་པ།། རྣལ་འབྱོར་དབང
149a4 ཕྱུག་ཆེན་པོ་ཡིས།། ཡང་གསང་རྨད་བྱུང་དགོངས་པ་ལ།། བསྙེན་པ་ཐེམས་པར་གྱུར་པ་ན།། ཆོས་སྐུ་སྙིང་པོ་བྱང་ཆུབ་སེམས།། དེ་ཉིད་ཤེས་པ་སྤྲོས་དང་བྲལ།། ས་ཐོབ་སྦྱོང་ཡུལ་གཞལ་ཡས་ནས།། དགོངས་པ་ལྟ།
149a5 ཅན་ལོངས་སྤྱོད་རྫོགས།། མོས་སྤྱོད་འགྲོ་ལ་སྣང་གྱུར་བ།། གྲུབ་པ་ཆོས་ཀྱི་ཕུང་པོ་ཅན།། རྒྱལ་བ་སྐུ་གསུམ་དག་དང་མཉམ།། རྣལ་འབྱོར་རབ་ཀྱི་དགོངས་པར་གསུངས།། ཕྱོགས་བཅུར་བཞུགས་པའི་སངས་རྒྱས
149a6 དང་།། དུས་གསུམ་གཤེགས་པའི་རྒྱལ་བ་རྣམས།། ཐུགས་དམ་རྒྱུད་ནས་བསྐུལ་བ་ནི།། རྣལ་འབྱོར་འབྲིང་གི་དགོངས་པ་ཡིན།། ལུས་ནི་ལྷ་སྐུའི་དཀྱིལ་འཁོར་བསྒོམ།། ངག་ནི་བཟླས་པའི་གསང་སྔགས
iiif viewer powered by OpenSeadragon
