| e-texts navigator |
| Wylie |
148a1 དགྱེས་པས་ཏེ།། བེམ་སྟོང་ཆོས་ཉིད་དབྱིངས་སུ་དགྱེས།། མ་རྟོགས་སེམས་ལ་ཆགས་པས་རུ།། ཐུགས་རྗེ་ཆེན་པོས་འགྲོ་ལ་ཆགས།། ཡུལ་སེམས་གཉིས་མེད་ལས་མཛད་ཀ། བདག་གཞན་གཉིས
148a2 མེད་ཕྲིན་ལས་མཛད།། ཧེ་རུ་ཀ་དཔལ་ཁྲོ་བོའི་གཙོ།། པདྨའི་རྒྱལ་པོའི་ཁྲོ་བོའི་སྐུ།། ཧ་ཧ་ཧི་ཧིའི་སྒྲ་སྒྲོག་པ།། དབང་ཆེན་གསུང་ལ་ཕྱག་འཚལ་བསྟོད།། མ་སྐྱེས་སེམས་ཀྱི་དཀྱིལ་འཁོར་ནས།། ཆོས་རྣམས་རྩ་བ
148a3 གཏན་ལ་འབེབས།། ཀུན་གཞི་སེམས་ཀྱི་ཕོ་བྲང་དུ།། ལས་དང་བག་ཆགས་གཏིང་ནས་གྲོལ།། ཡུལ་སེམས་གཉིས་སུ་འཛིན་པའི་ཡིད།། ཕྱི་ནང་གཟུང་འཛིན་རྣམ་པར་གྲོལ།། གཏི་མུག་མི་འབྱེད་རྟོག་དང
148a4 བྲལ།། ཞེ་སྡང་འོད་གསལ་ཆེན་པོར་འབར།། འདོད་ཆགས་བདེ་བ་ཆེན་པོར་ཤར།། ང་རྒྱལ་ལྟ་སྒོམ་རི་བོས་གནོན།། ཕྲག་དོག་ལྟ་ངན་ཤོང་མི་བྱེད།། དབང་ཆེན་ཐུགས་ལ་ཕྱག་འཚལ་བསྟོད།། ཁྱོད་ནི་ཡིད་བཞིན
148a5 རིན་པོ་ཆེ།། ཀུན་གྱི་འདོད་པ་མ་ལུས་སྐོང་།། ཕྱེ་ནི་ལྷ་ཡི་དཔག་བསམ་ཤིང་།། ན་བཟའ་ཞལ་ཟས་རྩོལ་བ་བྲལ།། ཁྱོད་ནི་བུམ་པ་བཟང་པོའི་གཏེར།། བདུད་རྩི་ཆེན་པོའི་ཆུ་བོ་འབེབས།། ཁྱོད་ནི་སྟོང་ཉིད་ནམ
148a6 མཁའི་མཛོད།། སྐུ་དང་ཡེ་ཤེས་དཀོར་གྱི་བདག། ཐེག་མཆོག་བསྟན་པའི་ས་གཞི་ལས།། ཞི་གནས་ཆུ་ཡིས་ཀུན་ཏུ་ཚིམ།། ལྷག་མཐོང་ཡེ་ཤེས་བག་ཆགས་བསྲེགས།། འཐོར་བྱེད་རླུང་གི་འཁོར་ལོ་ཡིས།། སྟོང
iiif viewer powered by OpenSeadragon
