| e-texts navigator |
| Wylie |
147b1 དང་ཐུགས་རྣམས་ཀུན།། མི་ཟད་རྒྱན་གྱི་འཁོར་ལོའི་མཛོད།། ཐུགས་བདུད་རྩིའི་མཆོད་པའི་ཏིང་ངེ་འཛིན་ཏོ།། དེ་ནས་བཅོམ་ལྡན་རྟ་མགྲིན་གྱིས།། ཕྱི་རབས་རྣལ་འབྱོར་དོན་དགོངས་ནས།། ཆེ་བའི་རང་བཞིན
147b2 བསྟན་པའི་ཕྱིར།། ཉིད་ལ་བསྟོད་པ་འགྲོ་དོན་གསུངས།། ཆོས་ཀྱི་དབྱིངས་ཀྱི་དཀྱིལ་འཁོར་ནས།། ལྷུན་གྱིས་གྲུབ་པའི་ཕོ་བྲང་ནས།། སྙིང་པོ་བྱང་ཆུབ་དགོངས་པ་ལས།། ཐུགས་རྗེ་ཆེན་པོའི་སྐུར་སྟོན་པ།། སྣང་བ
147b3 མཐའ་ཡས་ཚེ་དཔག་མེད།། སྦྲུལ་སྐུའི་བྱང་སེམས་སྤྱན་རས་གཟིགས།། འདུལ་ཕྱིར་སྐུ་ཁྲོས་རྟ་མགྲིན་དཔལ།། ཐུགས་རྗེས་བྱོན་ལ་ཕྱག་འཚལ་བསྟོད།། སྟོང་ཉིད་ཡེ་ཤེས་མཚན་མ་བྲལ།། མེ་ལོང་ཡེ་ཤེས་འགག
147b4 མེད་གནས།། སྟོང་གསལ་སྐྱེ་བ་མེད་པའི་ངང་།། སྟོང་རིག་ཆོས་སྐུ་ཆེན་པོ་ལས།། གཟུགས་སྐུ་ལོངས་སྤྱོད་རྫོགས་པར་བསྟན། མཐའ་དབུས་མི་ཕྱེད་མཉམ་པ་ཉིད།། ཆོས་རྣམས་རང་བཞིན་སོ་སོར་རྟོག། ས་བཅུ
147b5 ལོངས་སྤྱོད་རྫོགས་སྐུར་བསྟན།། རིགས་དྲུག་འཁོར་བའི་སེམས་ཅན་ལ།། ཇི་ལྟར་མོས་པས་མཐུན་འདུལ་བ།། མཛད་པ་མཐར་ཕྱིན་སྤྲུལ་པའི་སྐུ།། དབང་ཆེན་སྐུ་ལ་ཕྱག་འཚལ་བསྟོད།། མ་སྐྱེས་ཨ་ནི་ཀུན་གྱི
147b6 སྲོག། འགག་མེད་ཀ་ཚོགས་རྣམ་པར་སྤྲུལ།། ཟབ་དང་རྒྱ་ཆེའི་ཆོས་རྣམས་ཀུན།། ཨཱ་ལི་ཀཱ་ལིའི་ཚོགས་ལས་སྤྲུལ།། འཁོར་འདས་གཏན་ལ་འབེབས་བྱེད་པ།། རྨད་བྱུང་ཆོས་ཀྱི་འཁོར་ལོ་བསྐོར།། མ་སྐྱེས་ལུས་ལ
iiif viewer powered by OpenSeadragon
