| e-texts navigator |
| Wylie |
143b1 ཤ་ཁྲག་དང་།། ཐམས་ཅད་གཏོར་མར་གནས་པའོ།། དེ་ཉིད་ཡེ་ནས་ཀུན་གནས་པ།། ཤ་ལྔ་བདུད་རྩི་ཆེན་པོ་ཡང་།། མི་ཤ་གླང་པོ་རྟ་བྱ་ཁྱི།། འདི་དག་ཁ་ཟས་ཆེན་པོ་སྟེ།། རྫས་སུ་ཡང་དག་བསགས་ཏེ་དབུལ།། ཕྱི
143b2 སྣོད་ནང་བཅུད་རྫས་འདི་ཀུན།། མཚན་མ་རྫས་ཀྱི་གཏོར་མར་གནས།། གསང་སྔགས་འཆང་བའི་རྣལ་འབྱོར་བས།། ཡེ་ཤེས་ལྷ་རྣམས་རབ་མཆོད་བྱ།། རིག་པ་བྱིན་རླབས་གཏོར་མ་བཤད།། ཕྱི་ནང་གསང་བ་དེ
143b3 ཁོ་ན།། འཐོར་བྱེད་རླུང་ནག་ཀུན་འབུད་པས།། སྤྱོད་པ་རླུང་གཡོ་བ་མེ་ལ་བརྟེན།། སྲེག་བྱེད་བསྐལ་པ་ལྟ་བུ་ཡི།། ཏིང་འཛིན་རླབས་ཆེན་མེ་རུ་འབར།། རབ་འཇིགས་ཐོད་པས་འདེགས་པ་ནི།། རྣམ་གསུམ་འབར
143b4 བ་བརྗིད་པའི་སྟེང་།། ལྷན་དྷ་འཁོར་ཡུག་མཛེས་ལ་ཆེ།། པདྨ་འདབ་མ་བཞི་དབུས་འབར།། རྫས་ནི་འདོད་ཡོན་རྣམ་པ་དྲུག། གཟུགས་དང་སྒྲ་དང་དྲི་དང་རོ།། རེག་བྱ་ཆོས་སུ་སྣང་བ་ཡང་།། ཡེ་ནས་ཀུན་ལ་ཁྱབ
143b5 པའོ།། ཨོཾ་བ་ལིཾ་ཏ་ཏེ་ཛོ་བ་ལི་ཏ་བ་ལ་བ་ཏེ་གྷུ་ཧྱ་ས་མ་ཡ་སྭཱ་ཧཱ། བྷྲཱུཾ་ལས་བྱུང་བའི་གཞལ་ཡས་ཁང་།། རབ་མཛེས་སངས་རྒྱས་བཞུགས་པའི་གནས།། འབྱུང་ལྔའི་སྣོད་ནི་ཀུན་གྱི་གནས།། སངས་རྒྱས་རྣམས་ཀྱི་ཞིང
143b6 ཁམས་ཡིན།། བཅུད་ནི་འགྲོ་བ་མ་ལུས་པ།། རང་བཞིན་ལྷུན་གྱིས་གྲུབ་པ་ནས།། ཡེ་ནས་རྒྱལ་བའི་དཀྱིལ་འཁོར་ཉིད།། དེ་ལས་མ་གཏོགས་གཞན་མེད་པའོ།། ཁྱད་པར་དཔལ་གྱི་གཏོར་མ་འདི།། རྒྱུ་མཆོག
iiif viewer powered by OpenSeadragon
