| e-texts navigator |
| Wylie |
143a1 རྒན་གྱི་རྒྱུད་ལས། སྐྲ་རྒྱན་རྣམ་དག་གི་ལེའུ་སྟེ་བདུན་པའོ།། །། དེ་ནས་དབང་ཆེན་རྟ་ཡི་མཆོག། རྟོགས་པ་བལྟ་བའི་གཏོར་མ་འདི།། རྒྱ་ཆེ་བ་ཡི་རྟོགས་པས་བཅད།། དེ་ཉིད་ཉམས་སུ་ལོན
143a2 པར་བྱ།། འབྱུང་ལྔ་བུམ་གྱི་གཏོར་དབང་མཁའ།། ཤེས་པས་མ་ཟིན་དུས་བཞིའི་རྫས།། རིགས་དྲུག་ཡེ་ནས་མགྲོན་གྱི་ལྷ།། རང་བཞིན་ལྷ་ཞེས་ཚིམས་པའི་མཆོག། ཆོས་ཅན་མཚན་མར་སྣང་བ་ཀུན།། ཡེ་ནས་ཆོས
143a3 ཉིད་མཚན་མ་མེད།། ཆོས་ཅན་ཆོས་ཉིད་དབྱེར་མེད་པས།། རྣལ་འབྱོར་དབང་ཕྱུག་ཡི་དམ་ལྷ།། ལྟ་བ་འདི་ལ་གང་གནས་པའི།། རྣལ་འབྱོར་དབང་ཕྱུག་ཆེན་པོ་རྣམས།། ཡེ་ནས་སྣང་སྲིད་སྣོད་དང་བཅུད།། ལྟ་བའི
143a4 གཏོར་མ་ཆེན་པོར་གནས།། མཚན་མ་ལས་ཀྱི་གཏོར་མ་ཡང་།། ཕྱི་ནང་གསང་བ་དེ་ཁོ་ན།། ཟན་དང་ཁུར་བ་བུ་རམ་དང་།། སྲན་མ་བཅོས་པ་ལྟ་བུ་དང་།། འབྲས་དང་གྲོ་དང་ཏིལ་དཀར་དང་།། བྲ་བོ་མེ་ཏོག་སེར
143a5 པོར་གནས།། ནས་མར་དེ་བཞིན་མེ་ཏོག་དང་།། ཏིལ་ནག་སྲན་མ་ནག་པོ་དང་།། ཐམས་ཅན་ལྷུན་གྱིས་གྲུབ་གནས་པས།། ཐམས་ཅད་རྫས་སུ་སྣང་བ་ཉིད།། འོ་མ་ཞོ་དང་མར་དུ་བཅས།། སྦྲང་རྩི་གསེར་གྱི་མདོག
143a6 དང་ལྡན།། བུ་རམ་སྨུག་པོས་བརྒྱན་པ་དང་།། བ་དང་འབྲི་གནག་རྫས་དང་བཅས།། རིགས་ཀྱི་སེམས་ཅན་ཁ་དོག་ལས།། འབྱུང་བ་གཏོར་མ་ཉིད་དུ་གནས།། སེམས་ཅན་མ་ལུས་ཤ་ཁྲག་ལུས།། ཀླད་པ་རྐང་དང
iiif viewer powered by OpenSeadragon
