| e-texts navigator |
| Wylie |
142b1 ཁྲོས་པའི་ཁྲོ་བོ་ཧཱུཾ།། ཡུལ་སེམས་གཉིས་སུ་སྣང་བ་ཡང་།། བློ་དང་དངོས་པོ་བསྲེས་པས་ན།། གཉིས་སུ་མེད་པར་སྣང་བར་བྱ།། སྐྱེ་མེད་ཨ་ནི་ཁོང་ན་གནས།། མ་བཅོས་དོན་གྱི་རྣལ་མ་ལ།། རིག་པའི་བློ་ཡིས་སྦྱོར
142b2 འདོད་ན།། སྐུ་དང་གསུང་དང་ཐུགས་བསྒྲུབ་པའི།། རྒྱུད་ལ་དད་པ་རབ་ཏུ་བསྐྱེད།། ཅེས་གསུངས་སོ།། དབང་ཆེན་བདེ་གཤེགས་སྤྱི་དྲིལ་རྡོག་མ་ལེ་བརྒན་གྱི་རྒྱུད་ལས། སྐུ་བསྐྱེད་པ་སྟེ་ལེའུ་དྲུག
142b3 པའོ།། །། དེ་ནས་བཅོམ་ལྡན་འདས་ཀྱིས་འདི་གསུངས་སོ།། རང་སེམས་སྣང་བ་ཉམས་དྲུག་ལས།། ལུས་ལ་རྟགས་དྲུག་ཁྲོ་བོའི་སྐུ།། དེས་མཚོན་ཕྱི་རོལ་རྒྱན་དྲུག་འཆར།། ཡོན་ཏན་མངོན་ཤེས་དྲུག་དང
142b4 ལྡན།། ཉི་ཤུ་རྩ་བཞི་རྫོགས་པར་གནས།། འདི་ལྟར་གང་གིས་ཤེས་ནས་གྲོལ།། སྐུ་གསུང་ཕྲིན་ལས་མཛད་པའི་ཞལ།། ཕྱག་དྲུག་འགྲོ་དྲུག་ཕ་རོལ་དྲུག། ཞབས་ནི་ཚད་མེ་རྫུ་འཕྲུལ་སྟོན།། གླང་ཆེན་ཞིང་ལྤགས
142b5 གོས་སུ་གྱོན།། ཐོད་པ་སྦྲུལ་དང་རྒྱུ་མས་མཚན།། ཐལ་བ་ཞགས་དང་རཀྟ་བཏབ།། རྟགས་རྣམས་དོན་དུ་རྫོགས་པར་བྱེད།། བཅོམ་ལྡན་རྟ་མཆོག་ཡེ་ཤེས་ལྔ།། ཐབས་ཆེན་གར་དགུ་ལུས་ལ་རྫོགས།། ཡུམ་ཆེན
142b6 རལ་གཅིག་ཆོས་ཀྱི་དབྱིངས།། ཤེས་རབ་སྐྱེ་བ་མེད་པར་སྦྱོར།། མ་འགགས་སྦྲུལ་སྐུ་གཉིས་སུ་སྣང་།། སྐུ་གསུམ་ཡེ་ཤེས་ལྔར་འགྲུབ་གནས།། ཞེས་གསུངས་སོ།། དབང་ཆེན་བདེ་གཤེགས་སྤྱི་དྲིལ་རྡོག་མ་ལེབ
iiif viewer powered by OpenSeadragon
