| e-texts navigator |
| Wylie |
142a1 བྱ།། སྔགས་ཀྱི་ཡི་གེ་ཉལ་ནས་དཀར།། ཞི་བར་འདོད་ན་ཥཱིནྟཾ་གདགས།། སྔགས་རྣམས་ལངས་པར་གྱུར་ན་རྒྱས།། མཇུག་ཏུ་པུཥྚི་གདགས་པར་བྱ།། འཁོར་བར་གྱུར་ན་དབང་དུ་སྟེ།། པ་ཤང་ཀུ་རུས
142a2 མཛེས་པར་སྤྲས།། འཁྲུགས་པ་དྲག་པོ་ཉིད་ཡིན་པས།། ཨ་བྷི་ཙཪྻའི་རྒྱན་གྱིས་མཛེས།། ལྷུན་གྲུབ་མ་བཅོས་ཡེ་ནས་གནས།། ཨོཾ་པདྨ་ཀྲོ་དྷ་ཀྲོདྷི་ཤྭ་རཱི་བཛྲ་ཀཱི་ལ་ཡ། མ་ཧཱ་ཡཀྵ། ཀརྨ་རཾ་རཾ་ཧཱུཾ་ཕཊ། ཛྭ་ལ་རཾ་ཧཱུཾ་ཕཊ།
142a3 ཁམས་གསུམ་གནས་པའི་སེམས་ཅན་རྣམས།། མ་ལུས་རླུང་དང་སེམས་ལ་བརྟེན།། ཇི་ལྟར་གནས་བཞིན་བཟླས་པ་ཡང་།། རྣལ་འབྱོར་ཅན་ལ་དགོས་པས་འབད།། འདོད་དང་གཟུགས་དང་གཟུགས་མེད
142a4 པ།། རླུང་དང་སེམས་དུ་འདྲེས་ནས་གནས།། ཕོ་དང་མོ་དང་མ་ནིང་དང་།། ཐོད་རྒལ་རླུང་ལ་བསྐྱོར་བར་བྱ།། ཟག་བཅས་འཁོར་བ་ཟག་མེད་འདམ།། སེམས་ཅན་ལྷ་སྲིན་སངས་རྒྱས་ཉིད།། བག་ཆགས་རླུང་དང
142a5 ལས་ཀྱི་རླུང་།། ཡེ་ཤེས་རླུང་ལས་ཐམས་ཅད་འབྱུང་།། རླུང་གི་རྟ་ལ་སེམས་ཀྱི་མི།། ཞོན་ནས་ཚོགས་པ་གཅིག་པ་དང་།། ཆུ་དང་འོ་མ་འདྲེས་པ་དང་།། རྣལ་འབྱོར་རྟོག་ཅན་སྒྲོལ་བར་བྱ།། ཕྱི་རོལ་སྣང་བ་ཐམས
142a6 ཅད་ཀུན།། སེམས་ལས་བྱུང་བ་ཡིན་པས་ན།། ནང་དུ་སེམས་ལ་བསྡུ་བར་བྱ།། མི་སྨྲ་བ་ཡི་ཡི་གེ་ཨཱིཾ།། ནང་གི་སེམས་ཉིད་སྣང་བ་ནི།། ཕྱི་ཡི་ཡུལ་ལ་འཇུག་པས་ན།། ཡུལ་གྱི་བདུད་རྩི་བསྟན་པའི་ཕྱིར།། དྲག་པོ
iiif viewer powered by OpenSeadragon
