| e-texts navigator |
| Wylie |
141a1 ཁྲོད་བརྒྱད་ཀྱིས་རབ་མཛེས་པ།། བདེ་གཤེགས་དུས་གསུམ་སངས་རྒྱས་གནས།། ལྷུན་གྲུབ་ཡིད་བཞིན་གནས་ཀྱི་མཆོག། ཆོས་དབྱིངས་མ་གཏོགས་གནས་གཞན་མེད།། འཛིན་པའི་སེམས་དང
141a2 གཟུང་བའི་ཡུལ།། ཐབས་དང་ཤེས་རབ་སྐྱོན་དང་བྲལ།། ཐམས་ཅད་དངོས་པོར་བལྟ་བས་ན།། ང་ཡི་སེམས་ནི་ཡི་གེར་ཤར།། དངོས་པོ་མཚན་མར་འཛིན་པས་ན།། ཐུགས་ཀྱི་ཕྱག་མཚན་ལྟ་བུར་བྱུང་།། ཁ་དོག
141a3 དབྱིབས་ལེགས་ཀུན་ཡིད་འོང་།། དབུ་གསུམ་ཕྱག་དྲུག་ཞབས་བཞིར་སྣང་།། ཡེ་ཤེས་དྲི་མེད་གཡས་ནི་དཀར།། པདྨ་ཆགས་མེད་དབུས་ནི་དམར།། ལས་མཛད་གཡོན་པ་ལྡང་བ་ཉིད།། ཁ་ཊྭཱཾ་ག་ནི་ལྷ་ཡི་སྐུ།། ཤེས
141a4 རབ་རལ་གྲིས་མ་ལུས་གཅོད།། རྡེའུ་ཆུང་སྒྲ་ཡིས་རྨད་བྱུང་སྒྲོགས།། དབྱིངས་ཀྱི་གཞུ་ལ་ཡེ་ཤེས་མདའ།། ཉོན་མོངས་ཟ་བ་འབིགས་པའི་མདུང་།། རྒྱུད་དྲུག་འཁོར་བ་འཆིང་བའི་ཞགས།། ཚད་མེད་བསྡུ་བ་རྫུ
141a5 འཕྲུལ་གྱི།། ཞབས་བཞི་ཐབས་དང་ཤེས་རབ་བཞུགས།། སྐུ་ནི་མཐིང་ནག་དབྱུག་ཐོ་དང་།། སྡིགས་མཛུབ་ཞགས་པ་བསྣམས་པའོ།། གསུང་དམར་རྡོ་རྗེ་ལྕགས་ཀྱུ་དང་།། སྦྲུལ་གྱི་ཞགས་པ་འཛིན་པའོ།། ཐུགས་ནི
141a6 མཐིང་ནག་རྡོ་རྗེ་དང་།། ཐོད་པ་ཕྱག་བསྣམས་དཀྲུག་པའོ།། ཡོན་ཏན་ཆེ་མཆོག་ས་ནུ་གསེར།། རྡོ་རྗེ་དྲིལ་བུ་བསྣམས་པ་ཉིད།། ཕྲིན་ལས་ལྡང་ནག་རྡོ་རྗེ་དང་།། སྡིགས་མཛུབ་བསྐལ་པའི་མེ་དཔུང་འབར།། དབུ་ཡི
iiif viewer powered by OpenSeadragon
