| e-texts navigator |
| Wylie |
140b1 ཤེས་སྐུ་ལུས་ལོངས་སྤྱོད་རྫོགས།། ཐུགས་རྗེ་སྤྲུལ་པའི་སྐུར་ཤར་བ།། དེ་ཡི་ཞུགས་གནས་གཞལ་ཡས་གནས།། ལྷ་ཉིད་རང་སེམས་བདེ་བ་ཡི།། ཆ་ཤས་དུམ་བུར་གནས་པ་ལས།། འབྱུང་ཆེན་ལྔ་ལས་སྐུར་གྲུབ
140b2 པ།། གཅིག་ལས་སྐུ་གསུང་ཐུགས་ཡོན་ལས།། མ་ལུས་རྫོགས་པར་སྣང་བ་ལས།། དབབ་དྲང་བསྟིམ་དང་མཆོད་འབུལ་བཟླས།། བསྟོད་ནས་འདོད་དོན་བཅོལ་བར་བྱ།། ཆོས་རྣམས་གདོད་ནས་མ་བསྐྱེད
140b3 པས།། རྒྱུ་རྐྱེན་བྲལ་བའི་བྱང་ཆུབ་སེམས།། མཚན་མའི་དངོས་པོར་མ་གྲུབ་པ།། ཡེ་ནས་ཆོས་སྐུ་ཆེན་པོར་གནས།། ཆོས་དབྱིངས་སྤྲོས་མེད་ནམ་མཁའ་ལས།། ཡེ་ཤེས་ཉི་མ་རང་ཤར་བ།། ཅིས་ཀྱང་མ་བསྒྲིབས
140b4 འོད་གསལ་བ།། ཡེ་ཤེས་སྒྱུ་ལུས་ལོངས་སྐུར་བསྒོམ།། སེམས་ཅན་ཀུན་གྱི་སེམས་ཉིད་ནི།། སངས་རྒྱས་ཀུན་གྱི་ཐུགས་ཡིན་པས།། རྩ་བ་ཡིད་ཀྱི་རྣམ་ཤེས་ཉིད།། ཡི་གེ་སྤྲུལ་པའི་སྐུ་རུ་བསྒོམ།། ཆོས་རྣམས་སྟོང
140b5 གསལ་ནམ་མཁའ་ཉིད།། ཆོས་དབྱིངས་ཡུམ་གྱི་བྷ་ག་ལས།། ཐམས་ཅད་འདེགས་པའི་སྟོབས་པོ་ཆེ།། རླུང་ནག་འཚུབས་མར་འཁྱིལ་བ་སྣང་།། ཆུ་ཉིད་ཁྲག་ལས་གྲུབ་པ་ཡི།། རྒྱ་མཚོ་ཟབ་ཅིང་རྒྱ་ཡང་ཆེ།། རི་རབ
140b6 རུས་པ་ལས་གྲུབ་པའི།། སྟེང་ན་དུར་ཁྲོད་བརྒྱ་གནས་པ།། སྣོད་བཅུད་ཟད་མཛད་དབྱིངས་སུ་ཐིམ།། བསྐལ་བའི་མེ་ནི་ཡེ་ཤེས་འབར།། ཡེ་ཤེས་ལྔ་ཡི་གཞལ་ཡས་ཁང་།། མ་སྐྱེས་ལྷུན་གྱིས་གྲུབ་པའི་གནས།། དུར
iiif viewer powered by OpenSeadragon
