| e-texts navigator |
| Wylie |
140a1 བ་མ་རིག་པ།། སངས་རྒྱས་ཉིད་དུ་མ་ཤེས་འཁྲུལ།། སྣོད་དང་བཅུད་དུ་སྣང་བ་ཡང་།། སྣང་ཞེན་གཉིས་སུ་སྣང་བར་ཟད།། འདས་པ་སྣང་བའི་རྣལ་འབྱོར་ལ།། རང་སེམས་ཆོས་སྐུར་ཤེས་གྱུར
140a2 པ།། སྐུ་དང་ཡེ་ཤེས་བསམ་མི་ཁྱབ།། ཡིད་བཞིན་ནོར་བུ་ལྟ་བུར་སྣང་།། སེམས་ཅན་ཡིད་ཀྱི་རྣམ་ཤེས་ཅན།། འདི་ལ་དྲན་པ་སྣ་ཚོགས་འཆར།། ཡུམ་གྱི་ཚོགས་ལ་འཇུག་འགྱུར་པས།། ཡིད་དང་ཆོས་སུ་འདྲེས་གྱུར།
140a3 པ།། དབྱིངས་དང་ཡེ་ཤེས་གཞན་ན་མེད།། ནམ་མཁའ་ཉི་མ་ཤར་བ་ལྟར།། དབྱེར་མེད་སྟོང་གསལ་གང་ཡིན་པ།། སེམས་ཉིད་རང་བཞིན་འོད་གསལ་གནས།། རྣལ་འབྱོར་ལམ་ལ་གནས་གྱུར་ན།། ཐོས་བསམ
140a4 བསྒོམ་པའི་ཤེས་རབ་ཀྱིས།། དབང་ཆེན་བདེ་གཤེགས་འདུས་པ་ཡི།། དགོངས་པ་སེམས་ལ་བརྟག་པར་བྱ།། ཞེས་གསུངས་སོ།། པདྨ་དབང་ཆེན་བདེ་གཤེགས་འདུས་པའི་དགོངས་པ། རྟ་མགྲིན་རྡོག་མ་ལེ་བརྒན
140a5 གྱི་རྒྱུད་ལས། ཀུན་ནས་ཉོན་མོངས་པ་འཁོར་བའི་ཆོས་དང་རྣམ་པར་བྱང་བ་མྱ་ངན་ལས་འདས་པའི་ཆོས་ཐམས་ཅད་དུག་ལྔར་འདུས་པ་སྟེ་ལེའུ་ལྔ་པའོ།། །། དེ་ནས་སངས་རྒྱས་ཐམས་ཅད་ཀྱི།། སྐུ
140a6 གསུང་ཐུགས་ཡོན་ཕྲིན་ལས་རྣམས། གཅིག་ཏུ་རྫོགས་སངས་རྒྱས་པ་ཡི། བདེ་གཤེགས་ཐམས་ཅད་སྤྱིར་དྲིལ་བ།། དབང་ཆེན་པདྨའི་སྐུ་ལ་གནས།། སྐུ་ནི་རབ་ཏུ་བསྒོམ་གྱུར་ན།། སྐྱེ་མེད་ཆོས་སྐུ་ཞི་བ་ལས།། ཡེ
iiif viewer powered by OpenSeadragon
